【晴報專訊】張敬軒（軒仔）近日積極為本月底起舉行的跨年個唱綵排，昨日他與師弟楊天宇（Angus）出席公開活動，軒仔笑言已禁色多年，更透露個唱將有性感大Deep V歌衫，deep到落肚臍。軒仔希望將肚腩的肉推向上，身旁的Angus即打趣表示可以幫忙，十分搞笑。

軒仔和Angus即場調製佳釀，有板有眼。

　　張敬軒和楊天宇昨日到中環出席開幕活動，兩人即場調製美酒，吸引近百粉絲到場支持。軒仔的演唱會日前宣布加場，還有不到兩星期便舉行個唱的軒仔，笑言最近甚麼都要禁，唯獨不禁食，問他是否要禁色？他即笑謂︰「禁咗色好多年。」軒仔曾在演唱會上反串扮女人「降兩度」，今次又會為歌迷帶來甚麼新突破？軒仔稱︰「男人唔一定要騷肌，所以演唱會啲衫會有大露背同大Deep V，deep到落肚臍，我準備將肚腩啲肉推向上。」身形健碩的Angus即笑言可以幫他推腩肉。

重返幕前免被誤會退休

　　另外，提到軒仔於叱咤頒獎禮「我最喜愛的男歌手」和「我最喜愛的歌曲」被人氣男團MIRROR成員「夾攻」，軒仔大方表示︰「自己入行咁多年，仲可以同班新人一齊角逐獎項，係開心嘅，證明自己仲有號召力，感覺青春晒，係良性競爭。」軒仔又有感而發，表示愛犬日前離世，現時每天能夠開心生活已是恩賜，所以誰人奪獎都會感到開心。

軒仔透露未來會將九成時間投放在幕前。

　　日前宣布已退股仙后餐廳的軒仔，透露已是去年的事，並希望專注幕前工作，「呢幾年餐廳已經交到好成績表，咁不如將重心放喺唱歌，唔想被人覺得我已經退休。」

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇