收藏文章 

2018-08-20

產假可能增至14周 ?!今次「廿蚊張」把口最好就收收

  正當社會都未講完侍產假呢個話題,今日勞工及福利局局長羅致光又帶起另一個討論,就係研究將香港而家嘅10周產假延長到14周,仲話希望喺今年年底完成研究喎!Jenny身邊唔少已經榮升「人妻」努力「造人」中嘅姊妹都話好期待!

 

 

(iStock圖片)

取消MPF對沖都未找數 羅致光又有新承諾

 

  產假延長4周,聽落去就幾吸引喇!不過其實14周呢個數字,只係國際勞工組織建議嘅最低標準,仲未計建議係包全薪,而香港其實係只有八成人工。不過有得加,對於女性僱員嚟講點都係一件好事嚟嘅!

 

  之但係Jenny就記得,羅局長上年都話過政府就取消強積金對沖喺上年年底就會有方案,拖拖下又話農曆新年,結果推遲到3月先有個初步構思。照咁睇,今次延長產假嘅研究睇嚟都係……

 

容海恩有望做「最佳代言人」?

 

  其實香港而家嘅出生率咁低,延長產假都未嘗唔係一個鼓勵生育嘅做法嚟,Jenny相信唔少立法會嘅女議員都會舉手贊成!至於之前豪言「侍產假一日都唔應該有」嘅行會成員兼自由黨主席張宇人唔知會點睇呢?Jenny就奉勸張老闆今次勒緊舌頭、出少句聲啦,事關Jenny幾時都奉勸各位,唔好隨便得罪女人,尤其係做咗阿媽嘅女人呀!

 

  Jenny仲估,如果啱啱新婚嘅新民黨議員容海恩(Eunice)堅係如傳聞所言「雙喜臨門」,相信佢一定「舉腳贊成」添吖,玩下手仲有機會成為最佳代言人噃……哎呀,Jenny爭啲唔記得咗立法會議員係冇產假嘅添!(掩眼emoji)睇嚟Eunice要爭取多樣嘢喇……

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

更多言歸政傳文章
你可能感興趣
#產假 #媽媽 #世上只有媽媽好 #羅致光 #容海恩 #得罪女人 #張宇人 #廿蚊張
編輯推介
即時報價
全文搜索
Search
最近搜看
雙幣交易
聚焦兩會2024
More
Share