男士要展現魅力，有風度最為重要。但有港女在網上訴苦，聲稱在極速約會中「遇人不淑」，指男方在茶餐廳食飯就搶住埋單，二人去卡拉OK卻講明要女方付錢，讓事主不爽。有約會專家指，約會前最好先打聽對方的興趣，忌心急應約，否則很易「中伏」。

　　有港女在討論區訴苦，聲稱參加極速約會遇到積極追求者，初相識即索電話，更要求後續約會，但原來是噩夢開始。帖文指︰「第一次約會去茶餐廳食飯，食完他即搶住埋單，跟住我們去唱卡拉OK，入房後他就事先聲明話剛已請我吃飯，唱K應由我埋單，真係cheap！我心想茶記只係食了60蚊，同唱K計無得比，最慘回家後收到他的信息，想我做他女友，又話我是賢內助，癡線㗎！」

約會前先打探男方經歷

　　帖文隨即引來7萬人次點擊，不少網民斥男方「cheap爆」；亦有人指初識時，約會「AA制」或「一人請一次」做法合理，但不應刻意挑貴價項目要對方支付。

　　極速約會公司one and only總裁譚海祥教路，女性在單獨約會前忌太心急，應先打聽男方興趣和戀愛經歷。「如他常打機、跑步，及多年未拍過拖，未必識得和女性相處，才會顯得猴急嚇親人。」至於「愛情騙子」則會捕捉到女性渴望拍拖及被愛惜的心理，初相識則會用言語令女性覺得自己是唯一對象，例如說：「活動完了已想問你攞電話，追出去不見了你」、「記得你手機殼有呢個公仔，今日行過見到，想買畀你」等甜言蜜語，都可能是愛情陷阱。

　　HK Romance Dating配對公司創辦人張惠萍指，社會上雖提倡男女平等，但男方主動付款是風度，若太斤斤計較，通常是個性較執著；女方在初次約會時亦應主動提出「AA制」。初相識者要留意對方有否毛手毛腳；若每次約會都難遷就時間，亦可能顯示女方在他心中不佔一席位。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇