加入最愛專欄  收藏文章 

2019-09-06Text: Yan LawPhoto: Kenji Lo

【自己廣東話自己撐】寫口語=無文化?《粵典》創辦人教你乜係「哬哚嘴」

廣東話仲有生存空間?

 

  明明講廣東話係一件平常事,但只要坐地鐵嗰陣細心留意吓,好多時都會發現,好多家長同小朋友講嘢都會夾雜英文。「你想像吓,同個仔講嘢啫,偏偏唔可以講自己嘅母語。其實呢件事(連自己嘅語言都唔講得,覺得冇經濟價值)係好悲哀。」阿擇仲留意到,呢班家長嘅英文水平其實唔係太高,偏偏夾硬迫自己講自己唔熟悉嘅語言,「真係好無謂。」

 

「新文化運動嘅時候,大家話不如『我手寫我心』,或者『我手寫我口』啦,用一些比較貼近人話嘅方式去寫嘢,但好可惜呢個運動最主要推廣嘅地方係北京,唔係香港,所以對講廣東話嘅人嚟講,只不過係將文言文變做一隻易學少少嘅語言(即現代漢民族共同語的書面語言)。」阿擇追溯歷史,解釋廣東話未能成為常見書寫語言嘅原因。

 

Read More:【半夜聽一闋歌】誰人不識奕琪!廟街歌女:他們寧願吃杯麵都要捧我場 

 

  咁要點樣保護「廣東話」呢個香港人最親切嘅母語?阿擇就話要靠香港人自己撐。「只要我哋每一日都願意用廣東話去溝通(講嘢又好,寫嘢又好),自自然然其他人就能夠接觸到廣東話,咁我哋就可以透過廣東話見得返香港嘅文化。所以我好希望大家,無論喺日常生活又好,正式場合又好;娛樂又好,甚至係搞文學都好,都可以盡量用返自己嘅語言。」

 

  阿擇仲話,「有時為咗慳時間,就算唔打口字邊(例如將『嘅』寫成『既』),或者用英文拼音,其實都無傷大雅。但如果有一日要用廣東話出書,就要寫返啱正確嘅寫法啦!」

 

「每一個人都應該盡力去保留自己嘅文化。」阿擇話,無論係廣東話,定係普通話,喺語言學嘅角度睇,唔會話一隻高級啲、一隻低級啲。「我哋唔希望出現呢一種歧視。潮州話、客家話、福建話其實都一樣,每一種語言都應該要有同等嘅地位先至啱。」

 

*「學校課程檢討專責小組」於6月底發表中小學課程諮詢文件,建議DSE中文科刪去聆聽及/或說話卷。公眾人士如對諮詢文件的初步建議有任何看法、意見及建議,需於2019年9月16日或之前,以郵寄、電郵或傳真方式把書面意見交予專責小組秘書處。

 

按下頁 3條問題考你廣東話能力

 

全新etnet健康網購,送你【健骨維他命D3(1000IU)】乙樽(價值$108)► 立即行動!

更多有種生活文章
你可能感興趣
#人物專訪 #語言學 #粵語 #廣東話 #DSE #文憑試 #中文科
編輯推介
即時報價
全文搜索
Search
最近搜看
雙幣交易
大國博弈
More
Share