加入最愛專欄  收藏文章 

2019-09-05

【以訛傳訛】你Fact check咗未?員工自製「白色恐怖」=自我噤聲

  一間公司最近傳出一個消息。

 

  「新嗰個MD好專制㗎,佢唔鐘意人哋畀意見。」

 

  「係咩?不過我睇佢個樣都覺得佢小氣啦!」

 

  「會唔會係流料呀?」

 

  「反正我信喎,放料嗰個同事喺公司都識好多人,成日都收到好多料。」

 

  「唔,咁陣間開會大家醒定啲啦!」

 

  如是者,大家戰戰兢兢地跟新MD開了第一次會議。

 

  「Okay,今日就開到呢度,大家仲有無comment?」MD問。

 

  一眾與會者立即垂低頭,扮「jot notes」,避免跟MD有任何眼神接觸。

 

  最終整個會議沒有人提出任何問題。

 

  「哇,好彩頭先你提咗我哋咋。咁我哋都醒目,一粒聲都無出。」

 

  「係啦,都唔知佢頭先係咪想試我哋。」

 

  再如是者,每次跟MD開會,一眾與會者都無問問題,無提出意見。就算幾位年資較深的同事,都抱著「多一事不如少一事」心態,開會都變得鴉雀無聲。

 

  員工於公司未能有效發聲一般有三個原因:一、明文規定,違者處分;二、當權者明示暗示,給予壓力;三、以訛傳訛,自製白色恐怖,然後自我禁聲。

 

  以上例子屬第三類。MD既沒有規定同事不可提意見,又未有處罰過問問題的人。同事的恐懼源於一個「消息」,然後不斷自我想像、圍內討論,並繼續從一些蛛絲馬跡去認定這個假設,並選擇相信。最終,這亦成了自我審查。

 

  自我審查的尺度可以非常嚴苛,甚至比原因一及二更甚。它既沒有明文規定,亦沒有benchmark可依,每人只是根據自身恐懼、焦慮程度而無限上綱。

 

  作為marketer自我審查,必定抑壓創意;作為市民自我審查,必定喪失自由意志,言論活動範圍就有如被鎖上腳鐐。

 

  這幾個月我們體會到fact check的重要性。「消息」未經證實,那都只是謠言。因為一個謠言將我們的創意及自由意志拱手相讓,值得嗎?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App  財智‧健康‧品味生活
【立即下載】  iOS版 / Android版
更多我做Marketing文章
你可能感興趣
#謠言 #fact check #辦公室傳言 #上司
編輯推介
即時報價
全文搜索
Search
最近搜看
25周年慶
施政報告
More
Share