07/12/2017 11:58

《魚缸博客》長實(01113)無懼大跌市,現價吸納上望68銀

  香江魚缸經過噚日(6日)嘅「小股災」洗禮之後,股王QQ(00700)、藍戰「新貴」舜宇(02382)今日一度發力想收回失地,正當缸友以為逐漸回暖之際,魚缸竟然由彈起最多253點,轉為倒跌89點報28134暫半日低位。缸友若只憑見噚日大市成交額高達約1627億銀,便以為有神州有大戶「泵錢」落來,博客只可以說:「缸友,你太年輕了」!查實,係北水規模持續降低,QQ(00700)畀人掟貨就真。
  喺呢個時勢,除咗博客喺噚日同大家講嘅「公用三寶」作避險之選之外,查實仲有D股仔係可以「進可攻,退可守」嘅,呢隻就係長實集團(01113)喇!
  點解?回顧其走勢,佢自8月初始升,半年績佳賺咗67個巴仙,幾日後仲爆升至70﹒08銀嘅新高添,雖然其股價喺9月尾回落至初,但踏入10月後,孖屐便傳出佢以402億銀嘅天價放咗中環中心呢個甲級寫字樓,勁!其後股價也便應聲彈高至68﹒55銀嘅月內高位。
  更重要嘅係,博客篤過計數機,當大市由11月中嘅30199高位,直插至噚日
28204嘅低位,一共蒸發咗1995點,但長實喺同一個Period就只不過係冇咗
1﹒2銀而已,真係要畀番D掌聲佢呀!
  近日港銀1個月拆息仍然係1厘樓上,美電仍高企於7﹒81銀,呢隻本地磚頭佬依然企穩,叻!長實集團依家幾條平均線集合一齊,似是準備突圍,睇好嘅缸友可在現水平吸納,上望
68銀喇! 

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

魚缸博客
即時報價
全文搜索
Search
最近搜看
雙幣交易
聚焦兩會2024
More
Share