魚缸今朝（８日）繼續造好，之前狂跌嘅手機設備商舜宇（０２３８２）、瑞聲（０２０１８）反彈，ＱＱ（００７００）亦接力，所以帶動魚缸再彈起百幾點，不過成交唔算好多，短期魚缸其實都應該未跌定。
　　只不過，突然吹來一陣東風，唔少股份都乘風而起啦。其中利豐（００４９４）跳起接近一成，事關一向都睇淡嘅瑞銀淡友梁裕昌７年來首度轉軚，他屐由２﹒９銀大升到４﹒４銀！
　　皆因瑞銀相信，利豐經過改革之後，成本預料會大減，公司２０１８年至２０２１年嘅盈利預測，調高５至２１巴仙，極睇好利豐發展。
　　公仔圖都見，利豐保歷加通道收窄後擴闊，加上成交配合，股價似乎有轉勢跡象。建議缸友可以現價分注吸納。瑞銀認為公司復甦過程仍然好長，所以入咗貨後最好抱住長線投資嘅準備，股價預計要一段時間先有可觀嘅升幅！
　　
　　《編者按》本欄搜羅即市傳聞，惟消息未經證實，《經濟通》亦不保證內容之準確性。

WoW WoW星期三：健康網購產品低至$99 (只限今天)► 立即行動