魚缸近來波動太大，所以缸友選股方面要小心Ｄ。近日孖屐所擔心嘅，一直都係花旗嗰邊，總統侵侵（特朗普）有可能開展嘅貿易戰，會影響全球經濟。咁投資者選股方面，就可以選返Ｄ以神州消費概念為主嘅股份，唔做貿易嘅，自然就唔會受貿易戰影響啦！
　　另外，博客喺今日強勢板塊，搵出銀娛（０００２７）走勢唔錯，公仔圖上顯示，佢仲處於上升軌道當中，沿住十天線咁波動，而ＲＳＩ暫時又唔係超買，所以風險相對低。
　　另外，公司路氹項目「澳門銀河」第３、４期發展進程愈來愈明朗。副主席呂耀東話三、四期除了會展、演藝中心同酒店硬件，希望以科技同環保主題，吸引千禧世代（現時約１８至３５歲的世代）新客源。
　　早前大行麥格理就上調公司他屐到８８﹒８銀，重申「跑贏大市」評級，因為該行預料公司未來數季市佔擴大趨勢持續，而且產品多元化，吸引到唔同顧客。加上港珠澳大橋通車後，訪客數目有望上升。
　　缸友不妨現價先入第一注，之後分注吸納，揸實慢慢睇表演！

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇