花旗較香江魚缸早一步踏入業績期，不過由於缸友對貿易戰感憂慮，加上油價急跌，花旗三大指數都偏軟，令到魚缸今朝低開８８點，之後股王ＱＱ（００７００）、內房、油股、舜宇（０２３８２）等藍戰士偏軟，令大市氣氛變差，魚缸早上最多低見２８１９５點跌３４４點。缸友唔愁無慢慢買貨嘅機會。
　　近期想投資的話，買Ｄ無視貿易戰嘅股份就最好。雅生活服務（０３３１９）最近發盈喜，公司預期截至今年６月３０日止六個月，純利同股東應佔溢利將按年錄得超過１﹒５倍嘅大幅增長。公司話原因主要由於集團物業管理在管面積增加以及多元化增值服務收入上升，所以帶來利潤亦大幅提升。中投證券則首予雅生活「買入」評級，他屐１７﹒４銀。
　　物業管理公司業務並不受貿易戰影響，而雅生活又同綠地集團（滬：６００６０６）有協議，綠地同意喺２０１８年至２０２２年間，每年向雅生活交付建築面積唔少於７００萬平方米嘅物業，所以雅生活未來嘅收入都會得到保障。
　　不過近期大市沽壓都大，所以缸友可以慢慢入貨，建議等雅生活回落到１５蚊先上車啦。　

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情