《笑傲缸湖》維珍航空揸Ｆｉｔ人布蘭森（Ｒｉｃｈａｒｄ　Ｂｒａｎｓｏｎ）同死對頭英國航空母公司ＩＡＧ話事人威利（Ｗｉｌｌｉｅ　Ｗａｌｓｈ）又擦出火花。　　話說大約５年前達美航空收購維珍航空４９巴仙股權後，威利就牙斬斬話維珍航空５年內會摺埋。布蘭森當然唔甘心被睇死，仲提出開賭話如果５年後維珍航空仲喺度，威利就要將１００萬英鎊分畀維珍航空嘅員工；如果布蘭森賭輸，佢就調番轉派番１００萬英鎊畀英國航空嘅員工。但當時威利就話佢無布蘭森咁有錢，佢輸嘅話傷好多，不如賭「ａ　ｋｎｅｅ　ｉｎ　ｔｈｅ　ｇｒｏｉｎ」，即是「用膝撞大腿內側」，大家都會咁痛。　　時隔就快５年（今年１２月到期），布蘭森就喺１０月５日新出嘅自傳中串爆威利，叫佢有仔趁早生，暗示佢打算要威利找數。　　睇嚟呢場「男人最痛」嘅賭局，大家可以買定花生等睇戲啦！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇