《笑傲缸湖》早前外媒《紐約時報》報道過，花旗國總統侵侵（特朗普）嘅一日係如何渡過，當中就提到佢最多需要花八個鐘去睇電視，而仲會一邊睇一邊暴飲健怡可樂，數量高達１２罐。而報道仲話呢位風雲人物會邊睇Ｄｏｎ　Ｌｅｍｏｎ主持嘅ＣＮＮ（美國有線電視新聞網）節目，仲要一邊鬧。就咁睇上去，侵侵好似同盈盈身邊嘅宅男朋友無咩分別喎。　　不過，侵侵又點會由得媒體隨便講佢嘅事呀，當事人好快就喺自己嘅推特（Ｔｗｉｔｔｅｒ）上面作出反擊。佢首先就大聲指出《紐約時報》報道嘅係「假新聞」，再表示自己唔會每日用四至八小時睇電視。而就算真係睇，都唔會睇ＣＮＮ或者ＭＳＮＢＣ（微軟全國廣播），因為自己講過呢兩間都係會報道「假新聞」。仲強調自己唔會睇Ｄｏｎ　Ｌｅｍｏｎ嘅節目，因為佢係「電視上最愚蠢嘅男人」。　　計盈盈話齋，事實就得侵侵同佢身邊嘅官僚知道，不過其實係真係假都無咩所謂，睇電視都係種吸收資訊嘅方式嘛。但盈盈較在意嘅係，侵侵無否認自己一日飲１２罐健怡可樂喎，飲得咁多點都唔多健康！身為一國之首，都係注重下健康比較好。《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇