《笑傲缸湖》若然快餐店嘅主打食材暫時停止供應，相信有唔少快餐店嘅ｆａｎｓ都會相當失望。快餐店嘅賣點就係以量多、夠平、送餐快取勝，先至取得食客嘅歡心呀！咁啱得咁橋，有幾百間ＫＦＣ嘅米字國分店竟然冇雞賣，雖然香江呢邊無事，但盈盈作為ＫＦＣ嘅小ｆａｎｓ，都有Ｄ唔開心呀。　　究竟係點嘅一回事呢？據外媒報道，ＫＦＣ約８００間米字國分店被逼暫時做生意，只有少部分會提供有限度服務！點解會咁慘豬豬呢？原來由於新嘅物流營運商出現大問題，搞到大批雞隻都唔能夠按時送到ＫＦＣ門市，真係ｓｏ　ｓａｄ啦！　　原來ＫＦＣ喺上個禮拜三換咗食物供應商，由Ｂｉｄｖｅｓｔ　Ｌｏｇｉｓｔｉｃｓ改為ＤＨＬ。而ＤＨＬ已經承認責任，指因為營運上出現問題，搞到要延遲送貨。　　然而ＫＦＣ就話，目前都仍然未能夠ｃｏｎｆｉｒｍ到米字國全部嘅分店，幾時先可以正常營業；而盈盈表示，ＫＦＣ暫時關閉門市事小，但如果仲唔搞掂件事，咁樣會好易流失成千上萬嘅小ｆａｎｓ架，分分鐘仲會冇埋「炸雞王」嘅美譽添啵，到時就真係大件事喇！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情