《笑傲缸湖》「唉瘋」（ｉＰｈｏｎｅ）面世十周年，新教主庫克（Ｔｉｍ　Ｃｏｏｋ）上場為蘋果公司帶來好多革新，但上一代教主喬布斯（Ｓｔｅｖｅ　Ｊｏｂｓ）嘅身影，仍然經常出現喺大家腦海中。探子回報，有喬布斯親筆簽名嘅三件物品，將會喺下個月拍賣！　　其中一件拍賣嘅物品，就係１９７３年嘅一份就業申請，當時１８歲嘅喬布斯搵緊一份「電子技術或設計工程師」嘅工，份申請文件起拍價要成５０００美金，據聞最終拍賣價有機會去到５萬美金！　　另外兩件物品，分別係喬布斯２００１年喺蘋果停車場度簽名嘅Ｍａｃ　ＯＳ　Ｘ　Ａｄｍｉｎｉｓｔｒａｔｉｏｎ　Ｂａｓｉｃｓ手冊，以及另外一份２００８年報章發布ＷＷＤＣ文章嘅簽名，前者起標價係１０００美金，預計拍賣價高達２５０００美金；後者起拍價將達２５００美金，預計拍賣價高達１５０００美金。　　想收集好貨嘅缸友，記得ｍａｒｋ實今次嘅拍賣日期啦，就係由３月８日開始，到１５號就會結束，由波士頓拍賣公司ＲＲ　Ａｕｃｔｉｏｎ主辦。　　盈盈相信喬布斯嘅親筆簽名物品，投資價值仲高過ｂｉｔｃｏｉｎ（比特幣）哩！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇