《笑傲缸湖》Ｆａｃｅｂｏｏｋ啱啱宣布開發一款新人工智能（ＡＩ）系統，聲稱用嚟檢測「Ｈａｔｅｒ’ｓ　ｃｏｍｍｅｎｔ」（仇恨言論）咁話！ｆｂ畀咗個名叫「Ｒｏｓｅｔｔａ」，其實就喺利用電腦解讀上載到ｆｂ平台嘅圖片同埋視頻！花旗國Ｉ﹒Ｔ媒體ＣＮＥＴ就話，喺ｆｂ面臨內容審查嘅時候，推出新系統可以話喺「來得不遲也不早」。話說早前ｆｂ就曾經被公開指責，認為佢對緬甸、斯里蘭卡同埋印度嘅暴力事件應該負上責任喎！而喺上個月，為咗阻止緬甸的「仇恨言論」傳播開去，ｆｂ就已經刪除咗１８個戶口同埋５２個同緬甸軍方有關嘅網頁咁囉！　　喺一般嘅情況下，電腦會用光學字符識別（ＯＣＲ）嘅方法嚟區分圖片或者視頻入面嘅內容，但喺由於ｆｂ嘅信息量過大，會令ＯＣＲ嘅缺點表露無遺。亦都喺因為咁，ｆｂ就宣布建立一套更具規模嘅系統啦！Ｒｏｓｅｔｔａ將會喺大量圖片同視頻實時咁提取唔同語言嘅相關文本，從而對網站內容實施監測。呢套系統仲可以兼用於ｆｂ同ＩＧ，主要用嚟改善相片搜索同埋新聞串流嘅內容啦！　　上星期ｆｂ同Ｔｗｉｔｔｅｒ嘅ＣＯＯ雪莉桑德伯格（Ｓｈｅｒｙｌ　Ｓａｎｄｂｅｒｇ）同傑克多爾西（Ｊａｃｋ　Ｄｏｒｓｅｙ）就為咗設立內容審查政策同埋有關安全措施去花旗國國會做證，而ｆｂ嘅ＣＥＯ朱克伯格話，希望利用ＡＩ技術去檢測平台上面令人反感嘅內容。為咗開發呢一項技術，ｆｂ已經請咗兩萬個員工嚟監管平台上面有關嘅有害信息。　　盈盈睇得出ｆｂ最近為咗提升用戶使用感而進行咗好多相關功能嘅ｕｐｇｒａｄｅ，見到佢地有ｈｅａｒｔ又有ｆｉｒｅ！盈盈都要畀個ｌｉｋｅ啊！《任盈盈》

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

全新節目《說說心理話》青少年不可以戀愛！？真實個案講述驚心動魄經歷► 即睇