《笑傲缸湖》英鎊急跌買好定沽好？用etnet格價點都最著數！

2020-09-16

　　疫情轉緩，香江終於多返啲人氣，盈盈就梗係計劃下周圍去玩啦!呢期英國「脫歐」講唔掂數，英鎊又再潛水，不過對於正在英倫求學嘅家明表弟，同我呢啲英國粉絲就發晒癲啦！可以瘋狂網上Shopping，買多兩個手袋都得啦！

　　隔籬呀陳太聽到英鎊跌就仲合皮，皆因佢哋一家人預備要移民去英國，仲諗住賣埋自己屋企層樓，套現成千萬去英國置業同投資。有日陳太問我：「盈盈，妳知唔知邊道唱英鎊最抵？我怕D銀行食水深啊！妳知我移民帶走一大舊錢，如果唔識搵間平嘅唱，分分鐘唔見好多呀！」

　　嗱，盈盈我呢啲成日「黃老太」上身，作為專業格價專員，就梗係推介陳太用etnet App啦！你以為呢個App只係用嚟睇股票？就實在太天真啦！呢個App股票、新聞、生活健康、Fashion、扮靚乜都有得睇，最近仲新增個外匯格價功能，有齊晒香江13間銀行嘅12種外匯價格；想買英鎊咩？一Click就睇晒咁多間銀行報價，超方便啊！

　　不過我同陳太講，英國同歐盟而家搞到勢成水火，又話要硬脫歐又剩，英國經濟前景係點真係未知之數，我勸陳太不如分批買入。但點樣分法好？我同陳太講：「呢個App有埋互動圖表同埋預設到價功能，呢期英鎊可能仲有下調空間，所以你可以喺個App入面Set好目標價，一到價鬧鐘就響，咁你咪唔怕錯失機會啦！」