13/09/2018 18:08
《小傳日記》貿戰有得傾，魚缸終倒升；重上二萬七，隨時有閃失？
《小傳日記》高盛唱淡花旗國晶片佬，兼將晶片商之一嘅美光科技評級由「買入」降到「中性」，拖累納指最多走低９１點，但係之後花旗國提議同神州傾傾點樣拆掂兩國之間嘅貿易戰，刺激道指最多彈起１７４點，最終升幅收一收水至２７點，報２５９９８點。納指跌幅收窄至１８１８點收７９５４，標指無咩大郁動。 香江魚缸連跌六日兼累挫１６２８點後，受到貿戰有得傾兼美匯走低嘅消息帶動下，今朝跳高開４５３點，之後人仔低位上返嚟，內銀佬又畀缸友捧高高，魚缸回一回氣午後再走高，氣氛喜氣洋洋，最後漲６６９點或近３％，報２７０１４點，為全日最高位打烊。經歷六連跌後嘅魚缸終於重見笑容，全日主板成交１０６３億銀增加逾１２巴仙。 國貨全日走高２６４點或近３巴仙，收１０５０３點。神州滬市彈起超過３０點或１巴仙，報２６８６點。 藍戰士今日都好開心，齊齊跳起Ｙｅａｈ，生發發（００３８８）升超過４巴仙，報２１８銀。企鵝（００７００）踢高近５巴仙，報３２３﹒８銀。建行（００９３９）跟大隊，升超過３巴仙報６﹒５６銀。祖國移動（００９４１）牛皮，升０﹒３３巴仙報７６銀。
＊新唉瘋超貴瑞聲好濕滯？藥品或減價中生再跌價＊
「果」迷大會終於公布哂所有新「唉瘋」嘅規格，其中ＸＳ ＭＡＸ機５１２ＧＢ賣成萬銀，聽到都覺得肉赤，唔知手機佬喺咪都Ｆｅｅｌ到赤，所以瑞聲（０２０１８）今朝升超過３巴仙後升幅收窄，全日只喺輕微彈高兩亳半子報７８﹒１銀。其他手機佬方面表現良好，舜宇（０２３８２）漲６巴仙，報７８﹒１銀；通達（００６９８）急漲近１６巴仙，報１﹒０４銀；比亞迪電子（００２８５）彈近７巴仙，報９﹒０３銀；鴻騰精密（０６０８８）亦升近７巴仙，報３﹒９銀。 早前祖國官方公布，將會喺１１個城市進行３３種藥品採購試點，有分析認為會大幅推低藥品價格。大行野村就認為，受影響最大嘅可能喺中生製藥（０１１７７）嘅膽固醇藥物同埋石藥（０１０９３）嘅乳腺癌治療藥物。中生製藥噚日插逾１４巴仙後，今日應聲再跪低近２巴仙，報７﹒３８銀，曾見今年最低位６﹒９７銀；石藥噚日挫近一成，今日再跟跌逾２巴仙，報１６﹒３６銀，係全日最差表現嘅藍戰士，慘慘豬！。其他藥佬全日好似無咩交流，藥明生物（０２２６９）彈逾５巴仙，報６９﹒９銀。金斯瑞（０１５４８）升逾１０巴仙，報１５﹒２４銀。三生製藥（０１５３０）瀉逾３巴仙，報１２﹒９銀。康哲藥業（００８６７）插跌８巴仙收１０﹒１２銀。
＊貿戰有起色人仔同得戚，錢莊有生氣鐵鳥乘風起＊
貿易戰終於見曙光，美金避險需求減低，造就人仔應聲彈起，離岸人仔（ＣＮＨ）走高，神州錢莊終於甩難，建行（００９３９）彈起逾３個巴仙，報６﹒５６銀；工行（０１３９８）漲近３個巴仙，報５﹒５銀；中行（０３９８８）彈起逾２個巴仙，報３﹒４銀。 內房佬碧桂園（０２００７）宣布五年內斥八百億人仔研發機械人，為咗喺順德打造機械人產業生態圈，仲會請一萬個機械人專家，碧桂園股價即時應聲飛起近６個巴仙，報１０﹒９銀。其他內房魚仔亦跟勢反彈，恆大（０３３３３）漲３個巴仙，報２５﹒６銀；萬科（０２２０２）漲近５個巴仙，報２５﹒５銀。 幾隻鐵鳥亦齊齊起飛，東方航空（００６７０）同南方航空（０１０５５）分別升近４巴仙同５巴仙，報４﹒７１銀同報４﹒７９銀。國泰航空（００２９３）漲１個巴仙，報１１﹒１銀。
＊賭股昨頹廢今卻有氣勢，誠哥續增持長實跑最前＊
馬交博彩佬過去六日都跟住魚缸一齊搭沉船，唔單止咁，有好幾間大行仲要一沉百踩，里昂降低今年賭收增長預測至近１６巴仙，德銀出手仲狠，有五隻博彩佬不幸被佢降「他屐」，一哥銀娛（０００２７）嘅降幅更加係達到四成五，評級就由「掃貨」降到去「掟貨」，銀娛過去六日就咁蒸發咗超過２２巴仙，慘！好彩今日魚缸跳彈床帶旺返唔少板塊，銀娛亦一洗頹風彈起半成，報４８蚊。其他街坊亦出盡風頭，金沙（０１９２８）最巴閉升咗近７巴仙，報３３﹒８銀。永利馬交（０１１２８）就跑喺金沙之後些少，跳起近６巴仙，報１８﹒０８銀；美高梅（０２２８２）彈高超過半成，報１１﹒７４銀。 誠哥退休後繼續出錢出力支持公司業務發展，佢同佢大仔李澤鉅連續四日洗咗六億銀，增持長實（０１１１３）合共１０８５萬股。增持令股東即時信心大增，缸友都入市掃貨玩埋一份，長實全日彈高近４巴仙，報５７﹒７銀。其他同系街坊都有得搭吓順風車，一號仔長和（００００１）同長建（０１０３８）都升咗１巴仙有多，分別報９０﹒８５銀同６１﹒２銀。
＊人仔升幅大紙佬也不賴，美圖新改版買盤唔懶散＊
花旗國提議同神州進行新一輪貿易談判，人仔兌一美銀中間價升近６０點子兼終止三連跌，升幅創９月４號以來最大。紙業佬今日好Ｈａｐｐｙ，其中玖紙（０２６８９）最勁揪，上揚近１０巴仙報９﹒０３銀。理紙（０２３１４）走高近７巴仙報７﹒７１銀；陽光紙業（０２００２）升超過４個巴仙，報１﹒５銀。移動互聯（０１４３９）同晨鳴紙業（０１８１２）分別走高逾８個巴仙同近２巴仙，報０﹒２６銀同４﹒８銀。 美圖秀秀（０１３５７）創辦人上禮拜五表示，會進行十年以嚟最大嘅改版，又預料下個禮拜四會正式啟用，仲聲稱新版入面嘅社交模塊活躍度將會提升１０倍以上。消息一傳出就引嚟缸友們「十卜」，全日彈高高，收升８巴仙報５﹒１８銀。金蝶（００２６８）升逾４巴仙，報８﹒３５銀。映客（０３７００）連續三日走高，升超過７巴仙，收報２﹒８８銀。金軟（０３８８８）同天鴿互動（０１９８０）分別收報１３﹒８銀同５﹒０４銀，各自升近５個巴仙同近２巴仙。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊新唉瘋超貴瑞聲好濕滯？藥品或減價中生再跌價＊
「果」迷大會終於公布哂所有新「唉瘋」嘅規格，其中ＸＳ ＭＡＸ機５１２ＧＢ賣成萬銀，聽到都覺得肉赤，唔知手機佬喺咪都Ｆｅｅｌ到赤，所以瑞聲（０２０１８）今朝升超過３巴仙後升幅收窄，全日只喺輕微彈高兩亳半子報７８﹒１銀。其他手機佬方面表現良好，舜宇（０２３８２）漲６巴仙，報７８﹒１銀；通達（００６９８）急漲近１６巴仙，報１﹒０４銀；比亞迪電子（００２８５）彈近７巴仙，報９﹒０３銀；鴻騰精密（０６０８８）亦升近７巴仙，報３﹒９銀。 早前祖國官方公布，將會喺１１個城市進行３３種藥品採購試點，有分析認為會大幅推低藥品價格。大行野村就認為，受影響最大嘅可能喺中生製藥（０１１７７）嘅膽固醇藥物同埋石藥（０１０９３）嘅乳腺癌治療藥物。中生製藥噚日插逾１４巴仙後，今日應聲再跪低近２巴仙，報７﹒３８銀，曾見今年最低位６﹒９７銀；石藥噚日挫近一成，今日再跟跌逾２巴仙，報１６﹒３６銀，係全日最差表現嘅藍戰士，慘慘豬！。其他藥佬全日好似無咩交流，藥明生物（０２２６９）彈逾５巴仙，報６９﹒９銀。金斯瑞（０１５４８）升逾１０巴仙，報１５﹒２４銀。三生製藥（０１５３０）瀉逾３巴仙，報１２﹒９銀。康哲藥業（００８６７）插跌８巴仙收１０﹒１２銀。
＊貿戰有起色人仔同得戚，錢莊有生氣鐵鳥乘風起＊
貿易戰終於見曙光，美金避險需求減低，造就人仔應聲彈起，離岸人仔（ＣＮＨ）走高，神州錢莊終於甩難，建行（００９３９）彈起逾３個巴仙，報６﹒５６銀；工行（０１３９８）漲近３個巴仙，報５﹒５銀；中行（０３９８８）彈起逾２個巴仙，報３﹒４銀。 內房佬碧桂園（０２００７）宣布五年內斥八百億人仔研發機械人，為咗喺順德打造機械人產業生態圈，仲會請一萬個機械人專家，碧桂園股價即時應聲飛起近６個巴仙，報１０﹒９銀。其他內房魚仔亦跟勢反彈，恆大（０３３３３）漲３個巴仙，報２５﹒６銀；萬科（０２２０２）漲近５個巴仙，報２５﹒５銀。 幾隻鐵鳥亦齊齊起飛，東方航空（００６７０）同南方航空（０１０５５）分別升近４巴仙同５巴仙，報４﹒７１銀同報４﹒７９銀。國泰航空（００２９３）漲１個巴仙，報１１﹒１銀。
＊賭股昨頹廢今卻有氣勢，誠哥續增持長實跑最前＊
馬交博彩佬過去六日都跟住魚缸一齊搭沉船，唔單止咁，有好幾間大行仲要一沉百踩，里昂降低今年賭收增長預測至近１６巴仙，德銀出手仲狠，有五隻博彩佬不幸被佢降「他屐」，一哥銀娛（０００２７）嘅降幅更加係達到四成五，評級就由「掃貨」降到去「掟貨」，銀娛過去六日就咁蒸發咗超過２２巴仙，慘！好彩今日魚缸跳彈床帶旺返唔少板塊，銀娛亦一洗頹風彈起半成，報４８蚊。其他街坊亦出盡風頭，金沙（０１９２８）最巴閉升咗近７巴仙，報３３﹒８銀。永利馬交（０１１２８）就跑喺金沙之後些少，跳起近６巴仙，報１８﹒０８銀；美高梅（０２２８２）彈高超過半成，報１１﹒７４銀。 誠哥退休後繼續出錢出力支持公司業務發展，佢同佢大仔李澤鉅連續四日洗咗六億銀，增持長實（０１１１３）合共１０８５萬股。增持令股東即時信心大增，缸友都入市掃貨玩埋一份，長實全日彈高近４巴仙，報５７﹒７銀。其他同系街坊都有得搭吓順風車，一號仔長和（００００１）同長建（０１０３８）都升咗１巴仙有多，分別報９０﹒８５銀同６１﹒２銀。
＊人仔升幅大紙佬也不賴，美圖新改版買盤唔懶散＊
花旗國提議同神州進行新一輪貿易談判，人仔兌一美銀中間價升近６０點子兼終止三連跌，升幅創９月４號以來最大。紙業佬今日好Ｈａｐｐｙ，其中玖紙（０２６８９）最勁揪，上揚近１０巴仙報９﹒０３銀。理紙（０２３１４）走高近７巴仙報７﹒７１銀；陽光紙業（０２００２）升超過４個巴仙，報１﹒５銀。移動互聯（０１４３９）同晨鳴紙業（０１８１２）分別走高逾８個巴仙同近２巴仙，報０﹒２６銀同４﹒８銀。 美圖秀秀（０１３５７）創辦人上禮拜五表示，會進行十年以嚟最大嘅改版，又預料下個禮拜四會正式啟用，仲聲稱新版入面嘅社交模塊活躍度將會提升１０倍以上。消息一傳出就引嚟缸友們「十卜」，全日彈高高，收升８巴仙報５﹒１８銀。金蝶（００２６８）升逾４巴仙，報８﹒３５銀。映客（０３７００）連續三日走高，升超過７巴仙，收報２﹒８８銀。金軟（０３８８８）同天鴿互動（０１９８０）分別收報１３﹒８銀同５﹒０４銀，各自升近５個巴仙同近２巴仙。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇