《經濟通通訊社記者陳佩珊23日報道》廿年來經歷了1997亞洲「金融風暴」及
2008年「金融海嘯」,企業經營環境艱難導致股票派息減少,不少人對買股票的興趣減少。
蔡太認為,這個情況亦打擊經紀行業。
*魚翅撈飯風光不再,銀行入侵打擊證券行*
她憶述,1973年「全民皆股」年代,經紀們「魚翅撈飯」,因當時中環的食肆不多,食
飯要「搵位」十分困難。「但經紀就實有位,佢(食肆)留比你既,要問你攞貼士嘛。」當年經
紀受人尊重,人們最想認識經紀,好幫助他們「點石成金」。
但近廿年經紀已風光不再,自從銀行涉足證券業務,經紀行經營日益艱難。「本地經紀年紀
大,要退啦,又咁多新花招,年輕人見搵唔到食,未必想繼承呢個行業。本地行執到差唔到無晒
,剩番十分一。」
她表示,以往外資行與華資行「河水不犯井水,無大經紀蝦細經紀呢回事」。但現時股民交
易不用交收,只需透過銀行戶口扣除便可,令他們覺得透過銀行管理證券戶口更簡便。
同時,2003年4月份聯交所撤銷最低佣金制度,市場參與者可自由商議佣金收費,為搶
生意,證券行均割喉式減價。
蔡太認為,這個策略並非不好,時代要變,無論如何都需要適應。「以前有士多,而家全部
係超級市場。嘈佢地(零佣金的經紀行)都唔啱,又無犯規,自由議價生意各有各做,唔收錢都
有錢賺,係佢叻,死守果啲無得做架啦。」
*細行遲早被中資取代*
中潤經歷多個股災後,雖然關閉不少分行,但位於中環的大本營仍然屹立不倒。不過,現時
網上落盤方便不少客人,駐足證券行的人沒有以前多,「分行而家唔做啦,因為唔需要啦,而家
既人拎手機就得。我地都係做熟客生意,佢地都電話或網上落盤。」
她認為,證券行的生意宗旨是「老實唔呃人」,有時需向客人提供好建議,這樣才可以繼續
經營,而中潤至現在亦未到要蝕錢的地步。
中資行近年不斷來港收購,而且「滬港通」及「深港通」開通後,不少業界人士抱怨受惠的
只有中資行,本地行的生意未有顯著增加。
不過,蔡太指自己與中資行關係好,不想批評太多,認為本地行與中資行應互相學習,「但
中資既錢係多過香港,都係錢多既話事」,因此小型券商被中資取代是遲早的事。
WoW WoW星期三:健康網購產品低至$99 (只限今天)► 立即行動