朋友有很多種，有知己、老死，好兄弟、好姊妹、閨密、普通朋友、泛泛之交、唔熟……隨著社交媒體興起，大家身邊又出現了介乎親密與陌生之間的曖昧朋友──「網友」，如果你參與過ICQ年代，你不會忘記你那如密碼般的數字代號，還有那些類似「純情小鴨鴨」、「彩虹邊的雨雲」等不著邊際的網名。

ICQ的朋友

藝術家方琛宇把對陌生人的好奇心成為他的創作主題，於2013年開始藝術項目「陌生人訪問服務」，跳出社交媒體的虛擬世界，專訪「陌生人」。

　　「玩ICQ個陣，輸入號碼就搵到人，然後add佢講吓嘢，有時會約嗰個人出嚟，15歲時第一次約咗一個唔識嘅人出嚟，之後就一直對呢個topic有興趣。」藝術家方琛宇（Silas）對陌生人的興趣源於已被淘汰的網絡聊天工具ICQ──加對方的帳號，隨即與陌生人成為朋友展開對話，要了解新朋友，除了靠交談，更可以憑他的網名及他個人簡介中分享的歌詞略知一二。

　　對網友感興趣，那時的Silas不只約網友出來見面，更開了一個blog，「愈嚟愈多人對網上世界有興趣，同我一樣，我第一次做blog係2009年，嗰時嘅人仲未好相信當時嘅網上事物或者人，我就邀請其他人寫吓佢哋有興趣嘅人，例如係邊到遇到呢啲人，想同佢哋做啲咩，講啲咩，對佢哋邊方面有興趣等等。」8年前的blog成為Silas的藝術項目「陌生人訪問服務」的雛形。