08/03/2019

絕對扣分!想擺脫單身,小心不要做了這個「約會禁忌」……

  • 加入最愛專欄
  • 收藏文章
  • 妮洛

    妮洛

    浸過幾年鹹水的港女一名,喜歡港男的同聲同氣,卻不算特別鍾情港男。
    愛幻想,愛浪漫,貪玩又愛簡單的雙重性格,喜歡戀愛也享受自由。
    最想擁有的不過是簡單的愛情,而簡單的往往最難 ...。

    港女講男

    隔周二更新

  聽說他前陣子對一位空姐甚感興趣,男人嘛,對「空姐」不是已加幾十分麼,何解頻頻約會後無踪無影無下文。

 

  「空姐唔好咩?」我半笑著問。

 

  「你講空姐定係佢呀?」他很了解我問的是誰。

 

  「約會咗一排,點呀?」

 

  「佢係唔錯,但衰遲到。」

 

  「遲少少都OK嘅。」我補了一句。

 

  作為女生的我,很明白要花多少時間才能出門。男人最好能體諒一下,但有多誇張才令他卻步?

 

  「約親佢都例牌遲,睇戲至少遲半個鐘,開咗場先見佢施施然行嚟!」

 

  準時有多難?說不到,因為我也會遲到。女人不是洗個臉即出門的,要護膚、化妝、揀衫襯手袋,再弄下頭髮,動輒一個鐘準備。做個講究的女人,太多細節要兼顧,很煩,懂的。

 

  「最嬲嗰次係約食飯,間餐廳講明限時兩個鐘,佢照樣遲大到!」他接著說。

 

  「你真係呆住等?」

 

  「等咗佢成個鐘先出現,變相得一個鐘頭食,勁趕囉……嗰次之後都無再搵佢啦。」

 

  睇戲遲到半個鐘,開場才入,要對方等又影響觀眾;吃飯亦大遲到,難道真的零時間觀念嗎?

 

  梳妝打扮、左搞右搞可以,平時行街見面,時間預好了也難免有落差嘛,預早講,讓對方安排時間,也不為過。遲少少可以,但遲得過分,誰受得了。有些場合不得不守時,睇戲遲,食飯又遲,說明限時兩小時,她知道,卻一如往常,任由別人呆等,過了良久才姍姍來遲,兩小時的晚餐變成急急趕趕的一小時,掃興吧?!

 

  曾有位女友人樣子甜美,甚受男生歡迎,但她遲到威名遠播,每次約會例牌遲個多小時。事出無因,只是她覺得男人應份等女人,所以約她8點,她7點半才去洗澡半個鐘,再化妝吹頭,最後至少9點多才見人影。追求者約過好幾次,大都打退堂鼓。

 

  感情無疾而終有原因的,任你自身條件多好,但太我行我素,誰能多包容呢?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全城注視!銀行定存比較神器,助你搵到最佳息率!► 立即了解

我要回應

You May Also Like

Travel, Eat, Sleep, Repeat

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ