02/06/2017

街坊酒樓嘆兩食片皮鴨

  • 加入最愛專欄
  • 收藏文章
  • 龍少爺

    龍少爺

    龍少爺 (Daniel Ho),網上食評人及書本《五味樂緣》作者,愛吃愛煮愛分享,對烹飪及美味有所追求,依然相信無邊無際的飲食世界有無限可能,現於不同媒體平台拍攝飲食節目及撰文。

    逢周五更新

    為食龍少爺

  有好多朋友都有問,香港邊度食片皮鴨好?我的選擇有幾間,價錢收費卻有返咁上下……

 

  呢間街坊酒樓,誤打誤撞之下吃到一隻非常不錯的即燒片皮鴨,值得介紹一下。

  「松露西施玉帶珊湖」$128,賣相似賽螃蟹,查實是蛋白炒西蘭花帶子珊瑚䂜,吃時伴些醋,不太覺有松露香,味道還不錯,係貴咗啲啲。

  餐廳的招牌菜「北京片皮鴨」,一隻才$198 (頭先碟蛋白西蘭花都要 $128!!!),即叫即燒,配菜包括青蔥、烤鴨醬、薄餅,而且可以加錢一鴨兩吃:

  烤鴨皮脆,若果可以沾砂糖吃就更正。肉很厚,配青蔥、薄餅,混著甜醬一起吃,滋味。

  第二吃可以要求用鴨殼炆苦瓜、做椒鹽鴨殼,或者炒「七彩鴨絲」,$68。

  鴨絲質地比想像中「嚡」,下次我會試炆苦瓜。不過整體來說,$198 有一隻即叫即燒的美味片皮鴨,夠十個人食,扺吃。

 

  海鮮點了「三杯酒斑腩煲」$118,以魚代雞做三杯魚,都一樣香。奇怪在魚有很多骨,似斑頭腩多啲。

  「㰖角醬燒骨」$88 以鹹香取勝,做得唔錯的小菜,惹味好下飯。

  「脆皮西檸雞」$98,與想像中有些出入?!起初以為是雞扒切片,原來是雞丁,粉漿也如棉胎一樣厚,唔叫呢味冇損失。

  蔬菜「鮮竹淮山浸皇帝菜」$98

  「薑汁炒芥蘭」$88,夠鑊氣,薑汁味夠,菜炒得爽脆翠綠,呢個幾得:

「蒜蓉炒菜心」$88

  全間酒樓免開瓶費,適合自己攜帶酒水的朋友;另外5樓是打麻雀的房間,有小菜套餐,鍾意打翻兩圈的朋友也可以考慮來這裏啊。

 

「星月樓」

地址:上環德輔道中267-275號龍記大廈2至5樓

電話:3568 9328

營業時間:星期一至日 07:00-23:30

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

我要回應

You May Also Like

放大顯示

Watches & Wonders 2021

  • 生活副刊
  • DIVA
  • 健康好人生