23/07/2019 15:39

《匯市縱橫-蕭啟洪》重新包裝再輸出,美國將自身問題輸向世界

  《匯市縱橫》最近NETFLIX公布業績,客戶訂閱數目出乎意料下跌,股價應聲下跌。
觀眾都係貪新忘舊,點樣留住佢哋個心係一門相當大學問,而且包括迪士尼在內的競爭對手明年
開始準備大舉出動,估計一輪市場爭奪戰將會持續。
 
  講起迪士尼,佢地下半年會有好多電影上映,筆者近排睇親戲都經常有佢哋嘅作品,例如依
家嘅《反斗奇兵4》,之後仲有《魔雪奇緣2》等等,基本上好似無間斷咁長做長有,電影落畫
之後又可以賣公仔,將角色加入主題樂園,成條銷售線出咗來。
 
  所謂既美國軟文化,迪士尼電影都可以話係一大元素,除咗原創故事之外,好多時佢哋都可
以吸收其他地方嘅神話、故事或者文化,將佢哋美國化再包裝重新輸出,之前嘅《阿拉丁》就係
建基於中東故事,《魔雪奇緣》就係取材自北歐神話,《花木蘭》就係中國故事。另一巨企星巴
克就係將意大利咖啡文化重新定義。當然呢種重新包裝重新輸出唔係個個都喜歡,你改咗人地心
中原有形象唔係個個都會接受。
 
  金融方面,美國嘅輸出力就更強,十年前輸出信貸證券化產品,再行量化寬鬆向全世界輸出
平錢,從而將自身問題向全世界輸出,利率長期維持零水平,十年後今日美國終於再走入減息周
期,下周聯儲局會議基本上減息已成定局,問題只係仲有幾多次減息而矣。
 
*本周策略*
 
黃金:早前建議候低於每盎司1385買入黃金兌美元已成交,目標1480,止蝕1320。
 
澳元:前周建議候低於0﹒6920買入澳元兌美元已於0﹒7080平倉,獲利160點子。
 
歐元:本周建議候高於1﹒1300沽出歐元兌美元,目標1﹒1120,止蝕1﹒1400。
 
《招商永隆銀行司庫 蕭啟洪》

新型肺炎專輯 - 最新疫情發展和防疫貼士即睇

專家陣容
顯示更多
  • 生活副刊
  • DIVA
  • 健康好人生
產品簡介

【etnet Bonus賞你】上水廣場 x Rody 手提電風扇+兩用Tote bag

新增「恒生科技指數」成份股

【etnet一App通天下】獨家「銀行匯率比較」功能 匯市靚價一眼通 一按直達交易商