• |
  • 極速報價
  • |
  • 會員
  • 產品服務 / 串流版
  • 設定

04/08/2022

抽更多時間陪囡囡 陳自瑤樂做「陪玩員」

  • 加入最愛專欄
  • 收藏文章

  【晴報專訊】陳自瑤(YoYo)和阮兆祥(祥仔)昨日到電視城錄影節目,提到YoYo最近工作忙碌,她卻指其實有更多時間陪囡囡,成為「陪玩員」。

 

YoYo和祥仔同組玩遊戲,希望贏盡獎金獎品。

 

  陳自瑤和阮兆祥昨日錄影無綫綜藝節目《答得快好世界》,最近忙於拍劇及綜藝節目的YoYo,問她是否比照顧囡囡更攰?她笑言︰「其實抽多咗啲時間陪佢,依家做陪玩員,各有各攰啦!呢排同小朋友去多咗戶外,覺唔覺我濕咗?應該係黑咗先啱,哈哈,玩水咪濕囉!」在旁的祥仔即為YoYo打圓場︰「係sharp咗!」

 

阮兆祥自稱00後

 

李有毅和韓馬利難得再合體。

 

  另外,節目邀得韓馬利和李有毅任嘉賓,兩人曾主持經典遊戲節目《勝在夠開心》,今次難得再度合體,相信能勾起觀眾回憶。問祥仔有否看過《勝》?他笑言︰「我2000後,都未出世點睇呀!」

 

  至於祥仔任獎老的《開心無敵獎門人》,首集收視逾24點,祥仔對此成績大感鼓舞,並指︰「呢個節目都係大家期待已久,適逢《獎門人》25周年,大家都做得好開心,亦都多謝觀眾支持。今次後期製作比以前多咗,獎品都豐富咗,好似第一集有鄭融做嘉賓,佢玩得好癲,身為觀眾睇住電視都覺得好開心。」對於陳山聰在錄影《獎門人》後確診新冠肺炎,會否擔心再爆發電視城群體染疫?祥仔表示︰「每個人入廠前都會做快測。(建議錄影時戴口罩?)聽監製指示,如果之後情況惡劣,都會做足所有應對工作。」

 

轉載自: 晴報

【讀者專享獨家優惠】火速訂購etnet 28周年呈獻《線條下的香港.沈平鋼筆畫作》! ► 立即行動

我要回應

你可能感興趣

放大顯示
名廚煮場

職場新常態

精選文章

  • 生活
  • DIVA
  • 健康好人生