• |
  • 極速報價
  • |
  • 會員
  • 產品服務 / 串流版
  • 設定
過往專欄
言歸政傳
言歸政傳政經頑石不低頭為理發聲郎旋風薰香療法男士診症室抵玩自助遊句句有骨星座命理念力•氣功手機應用tips睛益求精嚴浩 LIKE!見微知著跟著陶冬找美食數碼潮人廣告有晴踏出退休第一步識食•惜食有種CEO叫做莊潮爆網事羅湖橋兩邊娛樂酷辣辣思歪思正十萬八千里樂本健‧教室特首選舉趣食60秒入廚101觀自然•觀香港有種生活政本清源心筆在妍維基解碼IT戰國誌煮酒論政今日趣聞馬壇.誌趣星期二周融愛瘋Apps美美道來大國崛起智醒日誌@中小企「營」刃而解Smart Buying甜品工房Education Calculator家事法庭升學信箱新手媽媽怪獸父母營營樂樂親子專題財富非常道謝國忠看勢獨唱團京城近觀原來如此乾坤挪移街坊食神Keyman森巴舞睇波LU文化導遊精神解碼抗癌兵團有營生活吾道崢廣見聞名家名畫商務英語型品薈我心中的米芝蓮歐洲直擊旅途中食得喜Leadership Coaching一哥教攝影心晴百態乳你同行專科專論人愛衣裝Word Discovery科技趨勢愛情故事投資達人政治擂台藝術投資秘笈抗癌點滴寵物情緣淘寶lization電影一線網絡鬼故主.管微博一分鐘管理娛樂有理進攻SAT古今名錶政‧經‧女人The Beauty Factor議會內外石油戰爭男女情色談金說匯風水環境學細味建築健康快車Green Hong Kong星光伴我行我吃過的米芝蓮A+孩子上海觀察京城札記鐵娘駕到食客三千創富新思維海外升學信箱Today's Web藝術投資世界在讀什麼-雷美華潮得起Business English飛越地球村紅酒情報職場物語股場琦手

08/04/2019

梁振英再度「榮登」頭版」吳文遠即時「被多謝」

  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  上星期講到近排前特首梁振英日日喺某份報章數廣告,有人就直接喺嗰份報章落廣告,希望畀佢睇到喎!嗱!今日就係廣告出嚟嘅日子喇,梁生見到有咩反應呢?

 

  今日就揭曉喇!話說朝早佢仲好冷靜,下晝就開始搬法律出來喇……嗯!梁生作風果然始終如一呀吓!

 

 

原圖:吳文遠fb

 

報紙罕見賣斷市

 

  發起眾籌落呢份廣告嘅社民連主席吳文遠話,今次短短42個鐘入面就有988名市民夾錢,扣除付款系統供應商嘅3.4%手續費後,籌得款項為$166,596.52,即平均每人捐款$168.62。用兩舊水有找就可以登頭版,Jenny覺得都制得過噃!

 

  成千人為咗問候一個政治人物而夾錢賣頭版廣告,Jenny真係覺得好似返咗大學上莊咁熱血呀!唔少Friend子向Jenny報告,話未去到中午,唔少地方就已經冇得賣喇!

 

  香港真係唔知有幾多年未見過報紙賣斷市,今次真係要#多謝梁生喇!

 

為何「感謝吳文遠」?

 

  市民反應咁好,作為主角嘅梁振英又有何表示呢?Jenny就見到原來佢今朝9點就喺Facebook有回應,果然係忠實Fans呀吓!佢第一句仲要係「感謝吳文遠加入宣傳」添!唔通一個廣告就可以令佢哋化敵為友?多謝吳生幫佢再登上久違嘅頭版,找回存在感?

 

 

  傻啦!邊有咁簡單!梁振英就話,要多謝吳文遠有兩個原因,一係引起更多人注意,二係如果有外國傳媒報道今次嘅事,就會多啲睇佢Facebook喇!所以叫吳文遠「繼續宣傳,下次最好用英文再登一次」添!估唔到成日出律師信嘅梁振英突然大方咗咁多噃!

 

  不過事隔兩個鐘左右,佢又出多個Post,質疑全版廣告嘅左上角標明「贊助刊登」係「香港人忍耐力有限公司」,有冇違反《公司條例》?果然盡顯「律師信專家」嘅本色!

 

 

 

究竟有冇犯《公司條例》?

 

  好!等Jenny 睇睇第622章《公司條例》 第896條(梁生誤寫為896節)先!

 

關於不恰當使用“Limited”或“有限公司”等的罪行

(1)任何人如有以下情況,即屬犯罪 --

(a)該人並非以有限法律責任形式成立的法團;而

(b)使用下述名稱或稱號,或以下述名稱或稱號進行貿易或經營業務 --

(i)採用“Limited”一字或其縮寫或模仿字樣為最後一個字的名稱或稱號;

(ii)採用“Limited”一字或其縮寫或模仿字樣的中文版本為最後一個字的名稱或稱號;或

(iii)以中文“有限公司”字樣為一部分的名稱或稱號。

(2)任何人如有以下情況,即屬犯罪 --

(a)該人並非已成立的法團;而

(b)使用下述名稱或稱號,或以下述名稱或稱號進行貿易或經營業務 --

(i)採用“Corporation”或“Incorporated”一字或其縮寫或模仿字樣為最後一個字的名稱或稱號;

(ii)採用“Corporation”或“Incorporated”一字或其縮寫或模仿字樣的中文版本為最後一個字的名稱或稱號;或

(iii)以中文“註冊公司”或“法人團體”字樣為一部分的名稱或稱號。

(3)任何人犯第(1)或(2)款所訂罪行,可處第3級罰款,如有關罪行是持續的罪行,則可就該罪行持續期間的每一日,另處罰款$300。

 

  既然係咁,如果冇「進行貿易或經營業務」咁係咪即係冇犯法呢?Jenny之前就問過吳文遠,佢就話用字同Design都問過法律界人士先至出稿,所以都幾有信心唔會犯法咁話。唔知梁生之後會點反擊呢?Jenny覺得呢粒政治花生真係唔錯!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生