韓國有個東大門，香港有條東大街，自問是掃街王的你，若果都未掃過東大街，就一定要去掃下啦！今期街頭美食，就由網絡人氣Youtuber 「Dai Wing」帶你食遍筲箕灣「東大街」！

　　Dai Wing兩年前大專design畢業，就在等待返新工的期間，她就隨意地拍了一條手作短片放到Youtube，初期影片無樣無聲，本以為沒人捧場，殊不知觀眾愈來愈多，而她亦慢慢愛上了拍片及剪片，由初頭介紹手作，發展到分享美容、購物、玩樂，在粉絲的鼓勵下開始「拋頭露面」，誰知反應亦愈來愈好。目前Dai Wing的兩條Youtube頻道每星期都會有兩至三段影片的更新，而訂閱人數經已衝破八萬大軍！有公司看準她的網絡潛力，與她簽約，協助她繼續拍攝更多短片。加入新公司後，Dai Wing得到器材上的支持以及聯絡工作上的幫忙，繼而推出了大受歡迎的「掃DAI街」系列。

　　Dai Wing「掃大街」系列大受歡迎，她笑言「網民都好鍾意睇我食野」，目前深水埗掃街篇點擊率最高，有九萬次。大家都可能以為她是全職Youtuber，但其實她是一名花式跳繩導師。因為教班的時間靈活，其餘的時間，她都會準備拍攝前期工作、拍攝以及剪片。Dai Wing展望未來的日子會投放更多時間拍video和大家分享生活趣事，或許有一日會成為一個全職Youtuber。

　　這一刻的她，無時無刻都會「整裝待發」才出門，因為街上不時遇到認得她的粉絲，她笑稱「他們總在我最污糟，喺街上大啖食緊野嘅時候出現！」不過，正是因為她真誠、親切、「做自己」的個性，才吸引一眾網友的喜愛！

　　小編悄悄話：當問到Dai Wing嚟緊有咩目標嘅時候，佢大笑並表示「哈哈，男朋友，想搵個男朋友」，如果小編幫佢做個網上招親，你地會瘋狂留言架可？

　　來到整條街上都是美食的東大街，唔知食乜嘢？Dai Wing訣竅是依著順序從街頭掃到街尾，快睇下她的心水推薦！