• |
  • 極速報價
  • |
  • 會員
  • 產品服務 / 串流版
  • 設定

13/02/2019

【情人節必學】蜜糖芥末籽焗羊扒

  • 加入最愛專欄
  • 收藏文章
  • 韋太

    韋太

    韋太 (Irene Chan),烹飪導師,食譜作者及擔任食譜創作工作。

     

    曾獲多間大型機構邀請撰寫食譜。2009-2019年出版了14本個人創作食譜,分別是《自家製懷舊小食1&2》、《一口果香》、《小食多滋味》、《我愛手工麵包》、《你煮得到的家常菜》、《人氣曲奇蛋糕》、《韋太王牌甜品》、《人氣招牌家常菜》、《全手工低溫做麵包》、《最多人想學的前菜小食》、《簡易全雞宴》、《簡易調補家常菜》以及《簡易全肉宴》。

     

     

    本欄每周三更新

    我家私房菜

 

  每年2月14日係西方情人節,情侶們當然喜歡外出吃西餐。餐廳每年呢個時候都會推出比平日貴幾倍的情人節套餐,其實咪又係豬、牛、羊扒之類。唔想出街吃,在家玩下煮飯仔,簡單買幾樣材料,買幾件扒就可以做一餐。

 

  平日韋太不喜歡吃羊,因為怕它那種羊羶味道。但今次為咗做出一道食入口我都唔覺得羶的羊扒,四處找尋方法,最後做出來的效果,真係唔覺得羶。怕羶的朋友,不妨試下啦!

 

製作時間:30分鐘

份量:2人

 

材料:

 

  羊扒     4件

  藜麥    適量 (隨意)

 

醃料:

 

  海鹽     1/2 茶匙

  黑胡椒   1/4 茶匙

  乾迷迭香 香草  1/2 茶匙

 

調味料: (拌勻)

 

 

  蜜糖      1湯匙 

  芥末籽醬  1湯匙 

 

麵包糠混合物: (拌勻)

 

  麵包糠       5湯匙

  乾百里香     1/2茶匙

  巴馬臣芝士碎  30克

 

做法:

 

  1. 羊扒沖洗,去除表面肥膏,抹乾,加入醃料醃30分鐘。

 

 

  2. 藜麥沖洗,跟用平日煲白米飯的水份去用電飯煲去煲熟,或可混入少量白米一齊煮。 

 

 

  3. 焗爐用180度預熱15分鐘。

 

  4. 燒熱鑊落少許橄欖油,加入羊扒兩面煎至金黃色,盛起。

 

 

  5. 羊扒兩面搽上蜜糖芥末籽醬,然後沾上麵包糠混合物。

 

 

  6. 焗盆墊上錫紙,將羊扒放上,放入焗爐,焗8-12分鐘,即成。

 

 

小貼士: 

 

  1. 如果不喜歡麵包糠或入焗爐焗,可以用易潔鑊煎熟都可以。

  2. 近年多人喜愛吃藜麥,如果初試吃藜麥,可以只加入2-3湯匙入白飯一起煮。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生