• |
  • 極速報價
  • |
  • 會員
  • 產品服務 / 串流版
  • 設定

28/08/2020

【戲院重開】《屍殺半島》大熱登場!「高先三寶」繼續上映!一文睇晒至抵戲票優惠

  • 加入最愛專欄
  • 收藏文章
  • Yan Law

    Yan Law

    「喜歡聽人說故事,更喜歡用文字寫故事。 返工最大樂趣──在平凡的職場裏找出那些不平凡的故事。」

    Senior Editor

Text: Yan Law

  等了又等,終於等到戲院重開,實在太興奮啦!睇咩戲好?《屍殺半島》以《屍殺列車》續集之姿強勢登場,繼續用人屍大戰衝擊觀眾感官,啱晒追求刺激的朋友;《吞上癮》堪稱年度奇片,表面看是驚慄片,但其實導演想透過女主角無法自拔地吞食碎石、粉筆、硬幣等危險物品,讓大家反思傳統性別觀念為女性帶來的壓迫,甚有思考空間!《憤路狂逃》、《嚇。房》、《鬥地主》同樣集緊張、刺激於一身,是農曆七月的應節之選!

 

  鍾愛港產片嗎?可以選看重新上映的「高先三寶」《幻愛》、《金都》、《叔.叔》,三部小品不但充滿本土情懷,故事情節以至歌曲配樂都令人十分驚喜,值得支持!

 

  揀好睇邊齣戲之後,又要揀去邊間戲院睇!除了挑地理位置方便的,當然還要看有沒有優惠啦!現時不少戲院院線都推出了重開優惠,邊個院線優惠最筍?即睇!

 

1. UA院線:2D戲票劃一$70、會員買一送一!

 

  由8月28日起,無論在票房、網站、手機應用程式或自助售票機購買成人正價戲票(2D版本),劃一$70,指定電影及影院除外;即日起至9月30日,UA會員更專享戲票買一送一優惠,即每人只需$35便可入場睇戲,非常抵!

 

2. 百老匯院線:會員半價優惠至年底

 

  即日起至10月31日,大家可以$60申請成為bcinephile會員/MOViE MOViE會員(續會亦得!),即可享會員半價購票優惠,雖然只限購買每場正價戲票最多8張,同時VIP院、發行商指定之個別電影及所有特備節目除外,但勝在優惠期長,可以去到2020年12月31日!

 

  要留意的是,早場及星期二優惠場的半價優惠,需以戲院正價計算,此優惠不能與其他優惠同時使用。

 

3. 英皇院線:VIP會員額外再9折

 

  英皇院線亦推出「We Miss You」戲票優惠,即日起無論在網站、手機App、自助售票機或票房購買2D戲票,一律享有優惠價,價錢由$50-$75不等,VIP會員更享有額外9折優惠!另設首場及長者首場優惠,最平$25就睇到!惟優惠不適用於《屍殺半島》,非常可惜!

 

  另外,餐飲小食亦設有半價優惠,大家可於晚上9時前在戲院指定用餐區享用美食,亦可外帶回家慢慢品嘗。

 

4. MCL院線:長沙灣睇戲只需$45

 

  MCL全線戲院的成人正價戲票維持$60,長沙灣戲院則保持$45不變,此購票優惠同樣適用於票房、網站、手機應用程式或自助售票機,卻不適用於《屍殺半島》,噢!

 

  戲院亦同時提供低至4折的外賣套餐優惠,其中「未來漢堡+中汽水」只售$50(原價$88)、「牛油果醬墨西哥卷+意式肉丸+中汽水」亦只售$68(原價$110)。

 

5. Cinema City院線:會員$58睇《屍殺半島》

 

  港島區居民有福了!Cinema City港島區院線2D電影票價只需$58;買《屍殺半島》都得,但睇真少少,原來只限CC會員獨有!

 

  一班長者更有福,因為全線長者票價仲平,只售$38,優惠適用於65歲或以上長者,持有長者票之觀眾必須於入場前出示年齡證明文件。但要注意的是,2D atmos、3D、3D atmos、4DX及因片長關係加價之電影需補回差價。

 

  (註:所有優惠附帶由商戶訂定之有關條款及細則,詳情未能盡錄,可向有關商戶查詢。)

 

  溫馨提示一句,雖然政府今日開始放寬部分社交距離措施,其中亦規定戲院出售的戲票及供佔用座位不得超過該影院的座位數目的50%、同一行座椅中不可有連續超過兩張座椅被佔用、場內不得飲食等;大家也不要放鬆防疫,認真看待張竹君醫生的呼籲:戴口罩、保持手部衞生,以及盡量減少不必要聚會!最後,祝大家觀影愉快,身體健康!

 

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
風水蔣知識

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ