11/06/2018
怕請翠如上《美女廚房》 蕭正楠︰我一個人受就夠
【晴報專訊】蕭正楠昨日與林盛斌(阿Bob)及張振朗錄影新一集《美女廚房》,提到在節目中「硬啃」半生熟食物,他們笑言即使事前食藥「打底」亦無補於事,幾乎每集錄完都會肚瀉收場。
蕭正楠要黃翠如先練習廚藝,才肯邀請對方上節目。
不少女嘉賓煮的菜式多半未煮熟,阿Bob直言︰「集集起碼屙一日,無乜唔屙,但無辦法,點都要試,有啲咬咗都要吐番出嚟。」可覺得有嘉賓為求出位,而刻意煮不熟食物?蕭正楠為她們平反︰「佢哋要喺30分鐘內煮完,如果前奏做好多,後面就無機會煮熟,我哋都要切開啲肉,先知熟唔熟。」
黃翠如
他們強調嘉賓不會刻意煮得難食,阿Bob說︰「因為要贏就要煮得好,每集勝出嗰位可以晉級,所以唔會表現太差。好似上一集高海寧蒸魚真係好食,而JW同劉珮玥都係真性情,JW見到條魚郁咗一下都嚇親。」
爆JW劏魚要祈禱
三位主持力撐《美女廚房》女嘉賓真性情不造作。
蕭正楠踢爆JW錄影時突然失蹤,他說︰「原來佢去咗祈禱,因為係第一次劏魚,仲話阿媽一定會為佢感到驕傲。」提到稍後的嘉賓,阿Bob表示除了公司花旦,亦會邀請歌手、演員及模特兒。問蕭正楠會否邀請女友黃翠如上節目?他即說︰「何必呢,有啲嘢我一個人受算啦!不過我覺得翠如煮嘢食唔差,仲好過好多女同事。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情
我要回應