【晴報專訊】世界盃四強已誕生，在圈中出名熱愛足球的譚詠麟（阿倫）即將拉大隊出發前往俄羅斯觀賞賽事。不過以往逢大賽必親身到場的李克勤，表示力捧的英格蘭打入四強，為免自己「剋」住愛隊，索性忍痛放棄赴俄觀賽。

克勤早前患腰傷，幸好找物理治療師治療後已經康復。

　　譚詠麟、李克勤、古天祥及澳門小姐麥嘉欣昨日到銅鑼灣出席餐廳開幕，將於下月孖許冠傑開紅館騷的阿倫，笑言從俄羅斯睇完世界盃回港，便會操Fit減肥。阿倫表示今日率領一班藝人朋友出發，但身邊的克勤卻拒絕同行︰「因為我係『明燈』，睇咗幾年英格蘭，次次現場睇親都輸，希望今年唔睇英格蘭會得啦！所以我決定唔去，喺屋企睇電視都行遠啲。」

　　阿倫則表示兒子譚曉風要工作，所以不會父子同行。「世界盃我鍾意法國同比利時，我唔知囝囝捧邊隊，不過佢都有睇波，會Send短訊講波經。」問兒子有否足球天份？阿倫的父親譚江柏是足球名宿，因此阿倫笑說︰「囝囝有隔代遺傳！」

目標將麵店上市

　　阿倫與克勤早年夾份經營雲吞麵店生意，問他們可有興趣再次合作做生意？克勤說︰「搞掂咗（雲吞麵店）先啦，都未上市，遲啲先啦！」而阿倫則笑說︰「諗下都得嘅，呢個係我哋終極目標。」

麥嘉欣不介意演粗魯角色，但對親熱戲有點抗拒。

　　另外，同場的澳門小姐麥嘉欣下月將卸任，目前她積極從事幕前工作，除了為自己的新歌拍攝MV，又參與拍攝香港電影，她笑言工作實在太忙，所以沒時間找對象拍拖。