13/07/2018
志偉驚喜現身ViuTV世界盃講波 視迷︰獎門人作反了!
【晴報專訊】無綫綜藝節目「鎮台之寶」曾志偉,昨日凌晨竟然現身ViuTV直播的世界盃準決賽英格蘭對克羅地亞,擔任嘉賓旁述及參與賽前睇波派對。志偉旁述賽事時,更狂Loop其「獎門人」經典對白「打和啦」,很多球迷Like爆他驚喜亮相有親切感;有人卻嫌志偉喧賓奪主!
一向熱愛足球的志偉,昨晨在毫無先兆下現身ViuTV的節目《Good Night Show全民睇波派對》,其後更與丹尼爾、何輝等講波佬評述「英克大戰」,令觀眾大呼過癮,同時引來揣測,他高調撑ViuTV是對TVB似乎有所不滿。
志偉︰掛住香港觀眾
貴為特別嘉賓的志偉,甫落機即到屯門參與賽前睇波派對,盡顯誠意。
揚言支持克羅地亞的志偉,旁述時未有搶嘢講,只在愛隊攻門時多次大嗌「哎唷」。克羅地亞結果以2︰1擊敗英格蘭,首次晉身決賽。
事實上,志偉在睇波派對中與主持人互動炒熱氣氛,他透露剛落機便趕赴直播場地︰「好難得有機會和大家一起講波傾下偈,無得和大家分享,世界盃好似缺少啲嘢,今日能夠返嚟幾開心!」
剛約滿無綫的林曉峰(右二)與志偉在ViuTV合體,觀眾喜見「獎門人」組合再現熒幕。
據知志偉今日與明星足球隊往俄羅斯欣賞後晚的決賽,或有望再在ViuTV直播中出現。很多球迷戲言「獎門人」作反了;有人卻不滿他的亮相將體育節目娛樂化。
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情