【晴報專訊】黃宗澤（Bosco）最近與陳嘉桓（Rose）傳出緋聞，Bosco日前已否認戀情，而Rose亦稱彼此太熟，並非情侶。她解釋早前被影到駕車夜訪Bosco新居，其實是一大班人睇世界盃，並強調兩人未試過單獨約會。

Rose表示目前要專注事業，表明無意拍拖。

　　陳嘉桓昨日到旺角出席雪糕活動，她表示一向喜歡食雪糕，中學時鍾意跟同學分享孖條。問她可有與男仔分享？她笑言男生很少食甜品。她又稱自己的食相一流，無論好味與否都可以食得好滋味，所以朋友都偷影她的食相。

自覺性格男仔頭

黃宗澤

　　Bosco自爆平日不用開工便會下廚，既然她喜歡美食，可曾試過Bosco的手勢？Rose直認之前一齊開工拍劇，Bosco會煮食物帶去片場慰勞大家。問她可有在Bosco家中過夜？Rose即說︰「之前一班人去佢屋企睇世界盃，都睇到凌晨四、五點，咁算過夜啩！（你架車泊咗幾日喎！）個個都可以揸車去㗎喇！（你對佢有無feel？）我性格男仔頭，感覺大家好friend。」她重申有很多人都去Bosco家開party。

　　至於將來可會跟Bosco有發展機會？Rose再強調現階段沒有去想，「世界盃都完咗，唔會再去佢屋企喇，我唔只佢一個朋友嘅。」她又稱印象中沒有跟Bosco單獨約會，通常都是一大班朋友共聚。