25/07/2018
梁洛施約Sammi舒淇歡度女人之夜 花生友︰六個女人兩個墟
【晴報專訊】梁洛施(Isabella)自從宣布復出娛樂圈後,開始活躍於社交平台;前晚她上載跟鄭秀文(Sammi)、舒淇及經理人Kim等一班好友聚會,雖然Isabella沒帶囝囝出席,但笑指他吃了「誠實豆沙包」,因他大讚相中的Sammi姐姐好型,舒淇姐姐夠靚女。而粉絲們就調侃這次「女人之夜」肯定嘈到拆天,開心滿Fun。
梁洛施最近不時在社交平台上載相片,與粉絲們分享生活點滴,而上周她出席美容活動,吸引大批傳媒採訪,其曝光率有升無減。前晚,Isabella一口氣上載三張相片到IG,原來她相約了Sammi、舒淇、馬詩慧(Janet)及其女兒,齊到經理人Kim家中飯聚。Isabella在網上留言,指她出發去飯局前,囝囝問她跟誰人吃飯?她跟囝囝表示其中一位Auntie Janet是Super Model,又表示︰「我先畀Sammi張相佢睇,我問佢媽咪型啲定係Sammi姐姐型啲,佢話Sammi姐姐型啲……跟住我問舒淇姐姐靚啲定係媽咪靚啲,佢一見到張相,第一個反應係WOW,『舒淇姐姐靚啲!』最後我同囝囝講媽咪覺得你好乖,你好誠實,你要keep住咁樣知唔知道!真係畀佢激死。」
Isabella用長髮遮蓋囝囝臉容,以防容貌曝光。
粉絲希望促成合作
鄭秀文(左)和舒淇分別嘟嘴及托腮扮cute。
Isabella與舒淇及Sammi等人開心「曬V」,眾人素顏上陣。
相中眾人均素顏赴會,又大玩P圖Po相,玩得不亦樂乎,難怪Sammi在Isabella的IG留言︰「Happy night!Really relax and enjoy!!」正所謂三個女人一個墟,不少粉絲笑言她們六個女人兩個墟,相信那晚一定嘈到拆天;亦有粉絲追問Isabella、Sammi及舒淇三人難得聚頭,可會有合作大計?期待她們合演一齣好戲。
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇