【晴報專訊】吳鎮宇、潘燦良、黄德斌及胡子彤主演新片《逆流大叔》前晚在港舉行首映禮，一班「大叔」fit爆現身。鎮宇自爆早排為一連串角色經歷了「肥人四部曲」，高峰期體重達74公斤，然後花一個月減走八公斤，全靠意志和恒心。

吳鎮宇今年有多部戲推出。

　　吳鎮宇得悉《逆流大叔》優先場口碑好，他的太太王麗萍和囝囝Feynman前晚也有捧場。鎮宇之前演出《東方華爾街》、《洩密者們》、《逆流大叔》及《家和萬事驚》，經歷了「肥人四部曲」，他表示︰「依家呢個身形先係自己，係健康身形，之前角色要增肥，足足肥咗10公斤。80公斤真係唔得，郁都郁唔到呀，但原來古天樂咁瘦都有80公斤。」

鎮宇太太及兒子在台下撐場。

　　鎮宇笑言做肥人期間食得比較放肆，豬肺湯做早餐，又食煎糯米雞，冬天暖笠笠，之後減磅就勤做運動，每日跑步，用了一個月成功減掉八公斤。問他現在是否要忍口？鎮宇自認為食，即使減磅後仍繼續食，「下午飲珍珠奶茶，夜晚食飽飯仲飲啤酒，不過我會做番多啲運動，仲同個仔講鍾意食就要運動。」

余香凝想曬黑似古仔

胡子彤笑指余香凝曬黑了，可能吸引美白產品代言。

　　余香凝早前跟導演陳詠燊到紐約出席亞洲電影節，她笑言︰「再睇部戲，我見自己黑到『令』！」她說比較喜歡黑黝黝膚色，看起來較健康，也不介意曬到好像古天樂般黑。胡子彤被余香凝取笑他在片場經常赤裸上身，他解釋是導演不准他着衫，幸好女友歐鎧淳都喜歡他曬得黑黑實實。