【晴報專訊】無綫新晉男神余德丞（Dickson）早前踢波暈倒送院，仍在瑪麗醫院留醫的他情況穩定，前晚更「現身」Instagram留言。Dickson緋聞女友蔡思貝昨日出席活動時，笑言放心不少，但暫時不會到醫院探望，以免阻礙對方休息。

余德丞

　　余德丞目前已逐漸好轉，轉到心臟科病房留醫的他，前晚更在IG「蒲頭」，於鄧佩儀手持珍珠奶茶的照片下留言︰「THIS IS SUPER GOOD！」不少網民紛紛留言祝他早日康復。蔡思貝昨日到旺角出席運動品牌活動時，亦開心說︰「聽到佢（Dickson）好咗，我都放心，佢有WhatsApp同大家講多謝關心。」提到對方在IG跟鄧佩儀互動，思貝笑說︰「佢係對珍珠奶茶有興趣，我唔會再去探佢住，佢嘅情況我都係睇報紙就知幾多。」有傳無綫下令不准緋聞女友探病，她表示沒聽過。

玩高危運動會小心

蔡思貝

　　問思貝現時做運動時，會否更注意安全？她說︰「會呀，做高危運動例如滑雪同滑水，會小心為上，因為驚整親塊面開唔到工。」另外，有傳她日前穿上背心短褲、一身「戰鬥格」出席飯局，更有外籍人士搭訕，她解釋只是教會活動︰「因為喺沙灘舉行，所以着背心短褲，落水濕身好正常。我有同外籍男士傾偈，不過係交流信仰，但無話一定對外籍男士有好感，不過以前喺外國生活，就試過同外籍男士拍拖，依家識男仔，主要睇對方性格。」