【晴報專訊】陳家樂與衛詩雅近日經常「情侶檔」現身，二人昨日出席連鎖快餐店活動，陳家樂不但勾起讀書時與女友到快餐店拍拖，更自爆女友曾因他不幫忙篤檸檬茶而分手，十分搞笑。

衛詩雅（左）、陳家樂（右）

　　陳家樂笑言當年讀中五，與女友幾乎日日去快餐店食下午茶︰「結果三年後女友同我分手，仲話我從來無幫佢篤過檸檬茶。」至於衛詩雅則大讚初戀男友超級細心，為她篤檸檬之餘，更會先試味才會給她飲。另外，陳家樂自爆前日才去快餐店食飯︰「我戴住口罩搭枱，對面嘅小朋友認得我，仲指住我叫『爺爺』！」詩雅聞言即投訴︰「我同姪女傾視像電話，佢知家樂喺我隔籬就話要見，仲開心過見到我。」

　　昨日活動上，二人呼籲大眾點餐時，可以叫「少飯」或「半飯」，家樂自言是「飯桶」，每餐最少食兩碗飯，但一定吃得完；而細食的詩雅坦言如食剩飯菜，會靠男友掃清光。