04/09/2018
個唱記招撞正開學日 華仔變身Batman湊女返學
【晴報專訊】天王劉德華將於今年底舉行20場跨年演唱會,昨日他開個唱記招,卻撞正開學日,華仔講笑指特地同日舉行活動「聲東擊西」,令傳媒都去採訪他,好讓女兒劉向蕙安心上學。
華仔「神還原」過兒托頭甫士,引來全場大笑。
劉德華昨日以白馬王子Look登場,早前古天樂公開點唱《神鵰大俠》,華仔昨日特意「找數」獻唱。華仔在台上讓傳媒發問,問他不用湊囡囡上學?他笑說:「就知你哋會問,所以搞晒你哋嚟呢度,唔好搞我個女!今朝(昨日)我扮到Batman(蝙蝠俠)咁送佢返學,一啲都無人發現。」他大方表示屆時家人會去欣賞他的演唱會。
華仔重提今年初墮馬受傷事件,自爆在醫院獲一班護士長爭住為他洗身,又獲拐杖商戶邀請合作及贊助,他搞笑說:「我呸,我哋搵sponsor好嚴格㗎!」昨日他扭腰唱《獨自去偷歡》時動作靈活,他得戚說:「條腰係得嘅!」
墮馬意外留陰影
華仔表示今次未必能像以往般練成七嚿腹肌。
提到個唱今日在網上及電話熱線售票,華仔希望解決部分售票問題,亦表明絕不加場。問到身體狀況,他坦言墮馬意外留下後遺症:「有時腳趾尾會痹痹地,又對咩事都有陰影,所以個唱一切以安全為主,舞台設計盡量少機關,又專登請人用耳機提我走位,避開危險位置。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇
我要回應