【晴報專訊】近日落選港姐工藤佑采因「黑面」成為是非人物，同樣以「黑面」聞名的鄭嘉穎前晚出席《L風暴》慶功宴時，竟「自抽」笑認是黑面王，但他強調對住太太陳凱琳時絕對不會黑面。

有份主演的《L風暴》票房破千萬，鄭嘉穎即展露笑容，不再黑面。

　　鄭嘉穎前晚偕古天樂、鄧麗欣等出席慶功，提到老婆陳凱琳在港姐決賽任評判，可有跟他討論工藤佑采？他笑說︰「黑面我出晒名，仲有人黑過我？」提到工藤佑采在決賽當晚「黑面」表演被批評不專業，鄭嘉穎自言沒了解不會評論，但樂意分享「黑面」之道︰「做番自己性格可以，但要承受好多後果，要人哋清楚唔係一朝一夕，黑面要連貫咁黑，唔好一時黑面，一時又笑。」

工藤佑采

　　嘉穎自言「黑面」黑足20多年，所以觀眾早已接受他，問陳凱琳可有投訴他「黑面」？他笑說︰「我唔會對住佢黑，只係對住唔鍾意嘅人先黑面！」

Stephy唔敢高調放閃

鄧麗欣抗拒與男友穿情侶裝。

　　同場的鄧麗欣（Stephy）早前被拍得與男友邱勝翊（王子）在街上拍拖，問她會否當街咀嘴？她笑說︰「唔會，我哋出街習慣保持距離，唔會拖手，喺香港始終好多人望住。」她表示從未試過跟男友情侶檔工作，亦不會太刻意︰「真係適合嘅工作會考慮，驚大家睇到多會厭。」