06/09/2018
效法外國明星 Sammi想著舊衫行紅地氈
【晴報專訊】鄭秀文(Sammi)前晚出席二手名牌網站酒會,貴為天后的她雖然靚衫多多,但她平日會跟好友鍾楚紅等交換衫穿著之餘,更有意效法外國演員,希望穿舊衫出席重要場合,為提倡環保出一分力。
Sammi自言怕麻煩,很少轉售自己的舊衫,多數轉贈親朋。
鄭秀文坦言看見不少外國明星,會翻著舊衫出席公開場合:「我自己都接受,遲啲都想試下著舊衫行紅地氈,但驚香港觀眾想要新鮮感。」她笑說舊衫重著是個考驗,因不知道事隔多年是否仍穿得下。「早排紅姑(鍾楚紅)搬屋,都執咗十件八件舊衫畀我,我唔介意,係朋友之間交換禮物,洗乾淨就得啦!」
新歌《Creo en Mi》MV上載兩星期已破百萬點擊,令Sammi十分興奮。
問老公許志安可有幫手揀衫?Sammi笑說:「有時重要場合嘅衫,佢都會用男性角度畀意見,佢嘅意見好中肯,佢真係好了解我身形嘅優點與缺點。但當然最了解我嘅係我自己,每次沖涼一定會摸勻全身!」
自薦做華仔個唱嘉賓
提到劉德華紅館個唱門票前日開售半天已售罄,Sammi表示已謝絕為親友訂飛:「我唔想煩到華仔,不過我第一個報名做佢個唱嘉賓,如果佢有需要,就算我唔喺香港,都會度期返嚟支持,因為華仔係特別優先。」另外,有指她想效法周潤發,死後捐出全副身家做慈善,她說:「我仲後生,暫時未有具體分配資產嘅諗法,最緊要確保家人生活安穩,其實外國好多名人都會捐資產到慈善機構,呢種做法好值得去學習。」
轉載自: 晴報
etnet榮獲HKEX Awards 2023 「最佳表現證券數據供應商」大獎► 了解詳情