10/09/2018
為慈善身體力行 Sammi揭母親缺口水腺多年
【晴報專訊】鄭秀文(Sammi)昨日到旺角出席慈善活動,她應大會要求在台上玩花式跳繩,不過Sammi一臉驚青,而且邊跳邊大叫,事後她坦言有難度︰「我每日跑八公里對於跳呢啲花式跳繩係無幫助。」
Sammi為慈善不遺餘力,出錢又出力。
Sammi昨日與錢嘉樂及彭懷安(Eddie)出席香港結節性硬化症協會舉行的「跳出新希望」籌款活動,而Sammi除了客串玩花式跳繩外,更表示會捐款到該協會,她表示︰「協會希望籌得300萬幫助病人的藥物經費,有病已經好辛苦,仲要無藥食,所以好想幫助佢哋。」
曾備受抑鬱症困擾的Sammi自言有深刻體會,她更自揭母親亦受到某種免疫力失調的影響,她說︰「我媽咪無咗口水腺好多年,佢呢幾年一滴口水都無,呢個病無生命危險,但亦都無得醫,佢個口好似沙漠咁,飲水好快會乾,但又唔可以飲太多水,要忍受好多身體不適。」
錢嘉樂帶女兒執垃圾
至於錢嘉樂則希望兩名女兒除了學業成績優異外,亦希望讓她們盡快認識社會責任︰「等佢哋大啲帶佢哋去做義工,去沙灘執垃圾。」嘉樂現時最享受接女兒放學,他又說︰「最鍾意佢哋撲上我度係咁錫我塊面。」
轉載自: 晴報
WoW WoW星期三:健康網購產品低至$99 (只限今天)► 立即行動
我要回應