27/09/2018
被羅蘭嚇親 麥明詩「收兵」陪玩鬼屋
【晴報專訊】連續第九年成為海洋公園哈囉喂靈魂人物的羅蘭,繼龍婆和聖羅蘭造型之後,今年夥拍麥明詩拍攝「高科技問米」宣傳片。二人昨日以廣告中的機械人造型亮相,十足十兩姊妹,麥明詩更笑指被羅蘭姐的演技嚇破膽。
羅蘭和麥明詩扮成AI姊妹花,相當有噱頭。
麥明詩與羅蘭姐昨日以銀色人工智能AI造型現身,而馬國明則以嘉賓身份,與一眾Sanrio家族成員於「HELLO-ween」揭幕禮一同登場。麥明詩搞笑自嘲說:「平時好多人話我無乜面部表情,做機械人就可以發揮呢個特質。」
今年哈囉喂首度與Sanrio合作,推出大型「HELLO-ween」派對。
羅蘭姐則說:「我第一年幫主題公園拍廣告就係扮龍婆,以為之後可以甩身,點知大家都好鍾意,今年呢個就係智能龍婆。」至於馬明除了大讚「龍婆」是香港恐怖Icon外,又在台上大搞氣氛:「我部的士泊喺出面,好多妖魔都知我架車係『降魔的』!」
乘機偷師學戲
三人活動後接受訪問,首次拍攝哈囉喂廣告的麥明詩,在片中請求「龍婆」羅蘭姐以高科技問米,尋找失散的姊妹。她笑言拍攝時,被羅蘭姐的氣場震懾:「有一幕羅蘭姐突然撲出嚟嚇我,因為佢中氣好勁,我真係嚇親,好驚!不過因為咁,佢幫到我入戲,我可以乘機偷下師。」麥明詩表示對鬼屋甚有興趣,現正「招兵買馬」,招募三位大膽男士在萬聖節陪伴她勇闖鬼屋:「我有幾張飛,到時幾位男士可以喺我前後做保鑣,有鬼彈出嚟可以幫我擋。」
馬明細膽過心穎BB
馬國明拍劇時去過荒山野嶺拍驚嚇鏡頭,早就「訓練有素」。
麥明詩又笑言玩鬼屋時的驚嚇感,有助提升愛的荷爾蒙,同場的馬明聞言即表示要試。問他可會約女友黃心穎去鬼屋?他說:「我會約朋友去,最開心係戴住面具周圍玩同嚇人,有咩事就話自己係黎諾懿,可以屈兄弟!」可能心穎BB更大膽?馬明即說:「咁到時我扮驚,總之有一個驚就得,咁先好玩。」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇