28/09/2018
粵劇名伶吳君麗去世 薛家燕哽咽︰麗姐睇住我大
【晴報專訊】粵劇名伶吳君麗本月26日黃昏安詳辭世,享年84歲。吳君麗生前多位好友包括薛家燕、胡楓(修哥)及黃夏蕙,對其離世感到難過及不捨。由童星年代已認識吳君麗的家燕姐,前晚更強忍悲傷錄影《流行經典50年》。
薛家燕前晚未收到吳君麗逝世的消息前,仍笑容滿臉。
家燕姐前晚錄影節目至一半時,接獲吳君麗去世的消息,深夜錄影完畢的她接受傳媒訪問,直言當時感到十分愕然及難過,家燕姐傷感表示︰「中秋節我仲有發短訊畀佢,佢好朋友MiMi有覆我,唔知係咪佢嗰段時間病緊,我真係好難過,因為麗姐睇住我大,我入行第二套電影就係同佢拍,佢好錫我,我個仔結婚請佢飲,佢好開心見到我個仔長大。麗姐係一個好好的前輩,對粵劇同電影界有好大貢獻,佢慈祥嘅面孔永遠留喺我心裏面,希望麗姐一路好走。」
中秋節已病重
吳君麗(左)今年六月與修哥及奚秀蘭出席家燕姐兒子的婚禮。
跟吳君麗同樣是60、70年代粵語片紅星的修哥,透露曾在迎月和中秋節到過瑪麗醫院探望吳君麗,他表示︰「佢當時病重,但唔知咩病,去到時佢瞓緊覺,個樣仲精神,但佢屋企人同我講『係呢幾日㗎喇』,所以佢走咗,我都唔係好愕然。」至於與吳君麗同樣識於微時的黃夏蕙,亦表示得知對方最近經常進出醫院,但吳君麗十分低調,很少跟友人提及,黃夏蕙表示︰「我上一次見佢係上個月,我仲同佢講我有個慈善騷,叫佢嚟唱下歌,佢仲話好,點知人走咗喇,真係好可惜。」
吳君麗(1934-2018)
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇