【晴報專訊】ViuTV選秀真人騷《全民造星》十強之一的呂爵安（Edan），一直被指入到決賽是靠「彩數」，曾自嘲要爭倒數第一的他，明白何以觀眾有此想法︰「始終觀眾認為Team B較優勝，而我可以喺 Team A『符符碌碌』入到（十強），其實自己都有責任，因為我做得未夠好。」

決賽將近，Edan擔心練習時間不夠，但屆時會盡全力表現自己。

　　Edan自認表現平均，但認同這是優點亦是缺點，因未能令觀眾留下深刻印象。音樂造詣較突出的他，將在決賽大曬實力，將流行曲混合古典音樂，自彈自唱又拉小提琴︰「好想證明畀人睇我值得入十強，我明白日後要行呢條路，唔會只得呢個比賽，但當日表演可以令人對我加分，留下好印象。」觀眾一直對Edan「反白眼」印象深刻，他坦言從不知自己有此習慣，又搞笑說︰「好彩當時有『反白眼』，如果唔係我就直情喺節目入面隱形。」

Edan舞姿不俗，全因一直跟肥仔（梁業）學跳舞。