【晴報專訊】日前余文樂（樂仔）在IG發布與囝囝余初見（Cody）安坐家中欣賞NBA季前熱身賽的照片，相中的Cody坐在樂仔大髀上，兩父子雖然只得背脊出鏡，但孖住睇波勁有愛。很多粉絲Like爆偶像父愛爆棚，是幸福好爸爸！

　　「男神」余文樂一向是籃球狂熱分子，早年更聯同好友組織球隊橫洲工業參加本港大小賽事。本周一，樂仔攜同愛妻王棠云到深圳欣賞NBA中國賽「費城76人對達拉斯獨行俠」，與一班NBA球星作近距離接觸。

疑愛妻王棠云拍父子照

身為籃球健將的樂仔與Cody齊齊睇波，未知囝囝可有遺傳其籃球天份？

　　除了現場睇波，樂仔亦愛在家中與囝囝Cody享受家庭樂，日前他坐在客廳抱住愛兒睇球賽，電視機畫面正播出NBA熱身賽鳳凰城太陽對金州勇士的畫面，看來他在囝囝半歲時已開始培養其對籃球的興趣。

　　樂仔特意將睇波照放上IG，並留言︰「Chilling with my son！（同囝囝一起放鬆）」雖然二人皆只得背脊出鏡，但畫面溫馨，估計是其太太操刀拍攝。

近年樂仔修心養性，閒時愛在家中弄子為樂。

　　不少網民高呼樂仔與囝囝享受「男人的浪漫」；有人更叫他日後教Cody打波。其實，自從愛兒今年五月出世後，樂仔經常在IG不經意曬抱B相，打造奶爸形象，可惜他至今仍未肯發囝囝正面照，未知何時才讓粉絲一睹Cody的廬山真面目。