【晴報專訊】名模樂基兒（Gaile）早前宣布懷孕，目前已陀B四個月。她昨日出席自家推出的電子烹飪書發布會，開心公布腹中胎兒是男B。性格洋化的她，笑言懷孕後口味大變，現時最喜歡食中餐，還特別愛吃芥蘭。

樂基兒

　　樂基兒昨日推出烹飪、瑜伽及美容電子書，向來注重健康飲食的她，希望藉着這個機會推廣健康生活，所以每一章只象徵式收取一美元費用，亦有免費版本讓大家試用。Gaile坦言喜歡從事幕後工作，這個網上平台正好讓她盡情發揮。

懶理狂迷狙擊

樂基兒懷孕後仍常做瑜伽。

　　目前陀B近四個月的Gaile，昨日已明顯見肚，她即場笑笑口公布胎兒性別：「係男仔，我同老公Ian都好開心，仔女都無所謂，但係我哋覺得男仔好似直接啲，女仔會似公主咁嗲。」她表示仍未決定會在美國或香港生產，會留待下月回美國過聖誕時，再與家人商量。問到Gaile自懷孕後，飲食口味有何變化？她調皮地笑說：「我依家變到好鍾意食芥蘭同炒牛肉，覺得口感好好；以前我最鍾意食漢堡包同pizza，依家見到會覺唔舒服。」

　　另外，提到她的IG遭一位網民瘋狂留言狙擊，她坦言看不懂中文，所以不會放在心上：「有啲朋友睇完會話番畀我知內容，但我嘅IG係公開，大家講咩我都控制唔到，但最緊要唔好太over。其實唔需要咁積極攻擊我，希望對方有時間，可以做下瑜伽同煮嘢食。」