【晴報專訊】李佳芯（Ali）雖然憑《BB來了》成為今年視后大熱，但日前另一熱門黃智雯已先拔頭籌，奪得大馬及新加坡雙料視后。提到有機會斬斷黃智雯三料視后之路，Ali即表示「大吉利市」，似乎不想做「劊子手」。

李佳芯雖然睇好黃智雯，但笑言自己仍有機會贏視后。

　　李佳芯昨日擔任頒獎嘉賓，她笑言頒獎感覺似港姐加冕，問她為何當年不參選港姐？她笑說︰「可能落選呢，選美仲難過選視后。」提到台慶當晚失落星馬雙視后可會失望？她大方表示不會，因為去年已得新加坡視后︰「我戥黃智雯開心，因為連攞兩地視后，會有double喜悅。」

遺憾馬明失視帝

黃智雯日前先拔頭籌得雙料視后。

　　Ali獲睇好贏得香港視后，但她似乎信心不足︰「通常以為係，最後都唔係。其實上年拎過新加坡視后已經好滿足，雖然身邊好多人話今年輪到我，如果唔係我咁點算呢，咁樣愈有壓力。獎項好難講，我只可以話承大家貴言。」Ali表示睇好陳煒及黃智雯贏視后，更預感黃智雯有機會連中三元，創造視后傳奇。

　　問Ali會否想斷黃智雯纜？她即說︰「啋！大吉利市，不過我都要對自己有信心嘅。（會否怕像馬國明般坐足一晚？）我頒新加坡視帝嗰陣，都以為係馬明，打開信封嗰刻先知道唔係佢，好在我事前無亂講嘢。」

　　另外，同場的甄詠珊近日忙拍新劇《黃金有罪》，她要戴上厚假髮扮70年代造型，又表示為學習當時的說話語氣，特地睇《家變》取經。她形容自己的角色似《延禧攻略》的「嫻妃」，外表純良，實質十分陰險。