【晴報專訊】16年港姐冠軍馮盈盈在前晚播出的《美女廚房》中，成功洗脫「地獄廚神」污名，但節目中牙尖嘴利的她卻勁多懶音，遭評判詹瑞文不斷糾正，兩人一輪「唇槍舌劍」場面爆笑，有視迷大讚盈盈廚藝和口才都一樣掂，但亦有人勸盈盈要積極改善懶音。

　　早前以一襲噴血透視裙出席台慶的盈盈，因自爆沒穿底褲上陣而掀起全城熱話。前晚，盈盈與蘇麗珊及JW（王灝兒）現身「《美女廚房》地獄廚神絕地反擊」，誓要一雪前恥，不過盈盈在節目甫開始，就因亂拋書包而「出事」；當時正要烹調羊扒的她，被問到枱面上紅酒的產地時就說︰「我覺得似係Old world，『Bordeaux』（波爾多）嗰邊囉！」

盈盈被詹瑞文考急口令，成功過關的她得意洋洋表示︰「我條脷好叻㗎！」

　　學識廣博的詹Sir立即「篤爆」盈盈發音錯誤，不過轉數超快的她亦馬上反駁︰「我啱啱打完Botox（肉毒桿菌），講得唔係咁準，塊臉同啲牙骹好緊呀！」詹Sir聽完都忍唔住拍爛手掌。

詹瑞文狂寸盈盈講錯Bordeaux發音，評判之一的陳百祥都忍不住偷笑。

勁多懶音要糾正

盈盈「賴」打了肉毒桿菌，以致發音不準確，十分搞笑。

　　之後，三位嘉賓要接受評判考驗，才可以獲得繙譯成中文的菜譜，不過，被要求念唐詩的盈盈卻有嚴重口音，包括「床前明月『乾』」、「『鄉』港小姐」及「『缸』淨」等，搞到詹Sir要不斷出口糾正。

　　而盈盈在節目播出前，就在社交網大曬文采︰「我高傲，但係宅心仁厚，我低調，但係受萬民敬仰，我可以將神賜畀人類嘅火運用得出神入化，可以煮出堪稱火之藝術嘅超級菜式，我究竟係神仙嘅化身？定係地獄嚟嘅使者？」結果她亦不負眾望，成功以93分「破地獄」，變身成為美女廚神。

盈盈上周身穿這襲透視裙出席台慶，成為全場焦點。

　　事後不少視迷大讚盈盈廚藝進步神速，但有花生友抵死表示：「睇手勢係《食神》火雞姐」。