• |
  • 極速報價
  • |
  • 會員
  • 產品服務 / 串流版
  • 設定

26/11/2018

與姚子羚舊愛爆緋聞 湯洛雯否認埋身接觸

  • 加入最愛專欄
  • 收藏文章

  【晴報專訊】湯洛雯(靚湯)跟羅天宇分手近一年,早前她被目睹在夜場與姚子羚舊愛鄭子邦(的士邦)態度親暱,男方更疑似摸她大髀。不過靚湯堅稱只是角度問題,她強調今年將會單身過聖誕。

 

湯洛雯出席卡通貓活動,她自言是個「貓奴」。

 

  湯洛雯昨天到旺角始創中心出席商場聖誕活動,在場跟Fans玩遊戲相當開心,似乎未受近日緋聞影響心情。問她今年聖誕節是否有人陪?她斬釘截鐵表示︰「絕對係宇宙無敵單身。(鄭子邦追求?)嗰單新聞唔係事實,其實嗰晚係一班朋友食生日飯,之後去咗莊思敏間酒吧,莊思明、龔嘉欣都在場,但係張相只影到自己同佢(的士邦)。(你哋貼得好近,佢有摸你大髀?)真係角度問題,嗰度地方比較細,大家企得好埋,但無貼住,亦唔係摸(大髀)。」

 

擔心嚇怕追求者

 

姚子羚舊愛鄭子邦是城中鑽石王老五。

 

  靚湯直言如此報道令她不開心,因為內容不是事實,不過大家算是朋友,所以不會尷尬。她強調目前沒有男友,仍是單身。問她與對方完全沒有過電?她說不會過電,事關自己只集中在工作上,也沒有發展對象。報道出街後,與的士邦可有再聯絡?靚湯解釋其實只見過他幾次,那次因為王大業生日,大家都認識主人家而已。她續說︰「本身覺得無(發展機會),朋友囉!純粹好朋友相處,唔存在嗰種(拍拖)關係。(擔心嚇怕追求者?)畀人咁寫,係女仔都唔鍾意同唔開心啦,不過我接受自己嘅工作性質嘅。」

 

  聖誕將至,靚湯表示目前仍忙於拍攝《機場特警》,但希望稍後可以放假陪家人到瑞士旅行。她打算上雪山浸溫泉,又會叫妹妹湯樂瑤著泳衣影靚相。

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生