• |
  • 極速報價
  • |
  • 會員
  • 產品服務 / 串流版
  • 設定

05/12/2018

撐枱腳傳緋聞 陳家樂陳瀅唔認拍拖

  • 加入最愛專欄
  • 收藏文章

  【晴報專訊】陳家樂日前被拍到與29歲「宅男女神」陳瀅撑枱腳,因而傳出緋聞,昨日兩位當事人分別現身公開活動,他們均形容雙方是好朋友及「兄妹」,疑似夾定口供,保護剛萌芽的戀情。

 

家樂大讚陳瀅是很有義氣的女生。

 

  陳家樂昨日與前緋聞女友湯怡、黃秋生及林嘉欣等出席新片《死因無可疑》開鏡禮,並親自為與陳瀅的緋聞解畫。家樂與湯怡一同接受訪問,問湯怡是否有甩難感覺?她表示︰「唔好咁講,只係覺得有啲好笑。」身旁的家樂即狂呻︰「我就嚟無朋友,同我食餐飯嘅朋友都畀人誤會,啲朋友都話唔同我食飯。」他強調沒有餵陳瀅吃魚生,稱只是角度問題,亦否認上過女方香閨,他說︰「佢屋企隔籬係港鐵站,我嗰日無揸車,佢送我去港鐵站。」

 

食飯唔使避忌

 

林嘉欣(左五)昨日與擔任導演的老公袁劍偉(左四)及黃秋生等出席開鏡儀式。

 

  家樂又指近日與陳瀅合作拍攝劇集《廉政行動2019》,形容雙方只是好朋友,亦否認拍拖,他說︰「依家唔諗呢啲(拍拖)。陳瀅好有『雷氣』,我哋係好朋友,好似兄弟情,由兄弟跳去情侶唔係咁好。」

 

陳瀅表示現階段沒有人追求她。

 

  至於陳瀅昨日到將軍澳出席活動,亦早有準備,她表示,兩位單身男女難免容易傳出緋聞,但強調跟家樂並非拍拖。問家樂是否符合其擇偶條件?她說︰「無諗,有工作人員話我哋似兩兄妹。(以後同家樂避忌啲?)食飯好平常,無必要避忌。」

 

轉載自: 晴報

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生