【晴報專訊】近日Eric Kwok（郭偉亮）攜愛妻葉佩雯（Grace）前往美國加州，為身在彼邦的母親送上聖誕驚喜。兩母子三年沒見，Eric忽然現身母親眼前，嚇到她個心離一離。不少粉絲笑指郭氏夫婦有心又鬼馬；有人亦稱讚Eric Kwok是孝順仔！

　　昨晨，Eric在社交網Po短片，以英文指這是「給我媽的驚喜」。片段中，已經三年沒見母親的Eric身在加州街頭，致電對方講聖誕快樂，他自稱人在香港，聲言「今朝去咗跑步」、「天氣好凍」，他並指有大project要搞，但實情是他與太太已經在母親進膳的餐廳門外，準備齊齊向媽咪送上驚喜。

Eric Kwok假扮越洋打電話欺騙媽媽，成功令對方上當。

　　當Eric與太太走進餐廳，Grace負責揸機拍片，Eric就站在媽媽身後扮侍應，嚇到她「嘩」了一聲，更作狀掌摑兒子，畫面甚為搞笑。郭媽媽更激動地問︰「點解你會嚟？」Eric即攤大手板回應︰「Surprise？係咪估唔到呢？」至於Grace，則與奶奶肉緊抱抱，場面溫馨。

自爆曾遇婆媳糾紛

郭媽媽被囝囝神秘現身嚇呆了，要摸摸胸口定驚。

　　事實上，郭偉亮在97年從美國回流香港發展音樂事業，三年後與同屬英皇唱片的葉佩雯相戀，雖然雙方曾先後「出軌」，經歷分手邊緣，可幸二人在11年結婚後感情穩定。不過，Eric早前在訪問中自爆，婚後太太與母親持續多年出現婆媳糾紛，自己更與媽咪為太太「鬧大交」，全因母親對Grace講過一些「難聽的說話」，幸好太太對奶奶非常忍讓，而雙方近年也甚少見面。

Eric與Grace先後向郭媽媽送上「愛的抱抱」，亦足證婆媳糾紛已成「過去式」。

　　難得今次兩夫妻結伴遠赴美國帶給郭媽媽聖誕驚喜，從Grace與奶奶親暱擁抱，可見兩人已冰釋前嫌。很多網民大讚Eric Kwok兩夫婦有心思；有人亦指畫面感人又搞笑。

Eric Kwok（左二）今年全力為《全民造星》當導師，落力搵錢養家。

　　另一方面，Grace昨午亦有更新IG，她與Eric在加州遊山玩水，歎盡西式美食兼欣賞鄰居的聖誕燈飾，似乎度過了一個相當愜意的聖誕節。