【晴報專訊】謝安琪（Kay）去年正式復出後，前晚即在叱咤頒獎禮首奪女歌手金獎，橫掃3.5個獎成為大贏家，Kay笑言前晚抱輕鬆心情出席，又透露老公張繼聰本想陪同參與，惟她希望對方留家中陪伴子女。

Kay與Juno十分滿意專輯得到好成績。

　　除了女歌手金獎外，謝安琪與麥浚龍（Juno）亦憑《the album part one》奪得「至尊唱片大獎」。Kay在慶功宴上開心說︰「我今年抱住輕鬆心態嚟，上年頒獎禮我聽住收音機，知道好多朋友攞獎，聽到感言我都好感動。」

　　Kay笑言前晚最開心古天樂到場領獎，問到老公張繼聰何以不到場支持？她笑說︰「老公一路都睇住，本來佢都想嚟，但佢遲啲要同古仔去外地拍戲，所以我叫佢留喺屋企，陪多啲小朋友。」提到Kay前晚的Deep V晚裝十分性感，微微彎身已酥胸半露，問老公可有微言？她笑說︰「佢又無講喎，佢好少評論我嘅衣著。」而留守家中的張繼聰，前晚亦在IG祝賀老婆得獎，又留言「I love you baby」隔空示愛。

Juno目睹古仔搞笑一面

張繼聰

　　同場的麥浚龍表示，頒獎禮前一直與古仔溝通，邀請對方出席︰「我無諗到古仔上台咁開心，可能佢平日拍戲太投入角色，個人無咁搞笑，今次喺台上見到另一個佢。」另外，有傳Juno想簽張繼聰，他否認說︰「只係大家猜測，當然對任何人我都有興趣合作。」