【晴報專訊】古天樂（古仔）日前獲叱咤「我最喜愛的男歌手」，成為一時熱話，昨日他與吳鎮宇、張家輝、王君馨等為新片《使徒行者︰謀影行動》開工，笑言唱歌與拍戲之間，一定以拍戲為先。同場的吳鎮宇搞笑指樂壇相當包容，又提議三個大男人一起唱hehe版《男朋友》！

古仔被爆曾為盧海鵬支付20多萬元手術費，個性低調的他只表示不回應。

　　古天樂昨日提到獲男歌手獎，成為本地首位歌影視大滿貫藝人，古仔笑言很開心，會否因此重返樂壇？他只講笑說︰「我諗住參加13項鐵人賽。」容祖兒要寫歌給古仔，推他做跳唱歌手，古仔聞言只說︰「拍戲先啦，嚟緊仲有兩部戲。（在頒獎禮上疑似爆粗？）無回應。」

　　身為演藝人協會會長的古仔，透露將於3月30日舉行籌款晚宴，籌得善款將用作幫助圈中有需要的人，以及公益慈善項目。他說︰「有幾年無搞活動，希望同業有錢出錢，有力出力。（在晚宴繼續唱《男朋友》？）會以樂壇新人為主。」

袁偉豪與王君馨跟一眾演技派合作。

吳鎮宇自爆獲雙白金唱片

　　同場的吳鎮宇，提到古仔得男歌手時搞笑說︰「樂壇好包容！不過我當年嘅《難兄難弟》（唱片）都攞過（三白金），我同羅嘉良、宣萱、張可頤賺百幾萬四個人分。」會否再挑戰樂壇？他說︰「觀眾咁包容，唔好搞爛人哋個朵，我一去就變咗隨便。」不過鎮宇有意找古仔jam歌︰「合作唱《男朋友》，大家著浴袍，hehe版，掂呀。最好搵埋張家輝，佢哋當年同屆爭新人獎。」不過古仔表示已忘記跟家輝屬同屆樂壇新人。

　　另外，導演林嶺東的喪禮將於後日設靈，古仔透露杜琪峯將為林嶺東舉行追思會，他又謂與林嶺東相識20多年，對方的死訊來得太突然︰「一時三刻未接受到，要慢慢適應。」鎮宇則說︰「我一直想再同佢（林嶺東）合作，但無開口，依家已經無機會，係一個遺憾。」